2. Beidh an Bord Stiúrtha comhdhéanta d’ionadaithe ó gach Ballstát agus ionadaí amháin ón gCoimisiún. Is ar bhonn deonach a bheidh rannpháirtíocht na mBallstát agus d’fhéadfadh sí a bheith ag brath go háirithe ar chlár oibre chruinnithe an Bhoird Stiúrtha. Féadfaidh ionadaithe Pháirtithe Conarthacha an Chomhphobail Fuinnimh páirt a ghlacadh sa Bhord Stiúrtha ar chuireadh ón gCoimisiún maidir leis na hábhair leasa fhrithpháirtigh uile. Is é an Coimisiún a bheidh ina chathaoirleach ar an mBord Stiúrtha.