Airteagal 1 Ábhar

1.   Bunaítear leis an Rialachán seo ceanglais le haghaidh shaolré iomlán na pacáistíochta a mhéid a bhaineann le hinbhuanaitheacht comhshaoil agus lipéadú ionas gur féidir í a chur ar an margadh. Bunaítear leis freisin ceanglais maidir le freagracht leathnaithe táirgeora, dramhaíl ó phacáistíocht a chosc, amhail pacáistíocht neamhriachtanach a laghdú agus pacáistíocht a athúsáid nó a athlíonadh, chomh maith le dramhaíl ó phacáistíocht a bhailiú agus a chóireáil, lena n-áirítear athchúrsáil.

2.   Leis an Rialachán seo, cuirtear le feidhmiú éifeachtúil an mhargaidh inmheánaigh trí bhearta náisiúnta maidir le pacáistíocht agus dramhaíl ó phacáistíocht a chomhchuibhiú chun bacainní ar thrádáil agus an saobhadh agus cosc ar iomaíocht laistigh den Aontas a sheachaint, agus drochthionchar na pacáistíochta agus na dramhaíola ó phacáistíocht ar an gcomhshaol agus ar shláinte an duine á gcosc agus á laghdú an tráth céanna, ar bhonn leibhéal ard cosanta comhshaoil.

3.   Rannchuidíonn an Rialachán seo leis an aistriú chuig geilleagar ciorclach agus le haeráidneodracht a bhaint amach faoi 2050, ar a dhéanaí, dá bhforáiltear faoi Rialachán (AE) 2021/1119 ó Pharlaimint na hEorpa agus ón gComhairle (53), trí bhearta a leagan síos i gcomhréir le hord na réiteach dramhaíola a leagtar amach in Airteagal 4 de Threoir 2008/98/cé (‘Ord na Réiteach Dramhaíola’).