Airteagal 36 Toimhde comhréireachta

1.   Measfar go bhfuil modhanna chun tástálacha, tomhais agus ríomhanna a dhéanamh, dá dtagraítear in Airteagal 35, atá i gcomhréir le caighdeáin chomhchuibhithe, nó codanna díobh, ar foilsíodh a dtagairtí in Iris Oifigiúil an Aontais Eorpaigh, i gcomhréir leis na ceanglais a chumhdaítear leis na caighdeáin sin nó codanna díobh a leagtar amach san Airteagal sin.

2.   I gcás ina ndéanann comhlachtaí um measúnú comhréireachta tástálacha, tomhais nó modhanna ríofa mar a thagraítear dóibh i mír 1 den Airteagal seo faoi chreidiúnú i gcomhréir le Rialachán (CE) Uimh. 765/2008 ó Pharlaimint na hEorpa agus ón gComhairle (72), toimhdeofar go bhfuil siad i gcomhréir leis na ceanglais faoi mhír 1 den Airteagal seo.

3.   An phacáistíocht atá i gcomhréir le caighdeáin chomhchuibhithe nó le codanna díobh sin ar foilsíodh a dtagairtí in Iris Oifigiúil an Aontais Eorpaigh, déanfar a thoimhdiú go bhfuil sé i gcomhréir leis na ceanglais a leagtar síos in Airteagail 5 go 12, 24 agus 26 nó de bhun na n-airteagal sin agus a gcumhdaítear leis na caighdeáin sin nó le codanna díobh.