1. I gcás, faoi Airteagal 44(2) agus Airteagal 45(3), ina ndéanfar agóidí i gcoinne beart náisiúnta a rinne údarás faireachais margaidh, nó i gcás ina measann an Coimisiún go bhfuil beart náisiúnta contrártha do dhlí an Aontais, rachaidh an Coimisiún i gcomhairle, gan mhoill, leis an údarás faireachais margaidh sin agus leis na hoibreoirí eacnamaíocha ábhartha agus déanfaidh sé meastóireacht ar an mbeart náisiúnta lena mbaineann. Ar bhonn thorthaí na meastóireachta sin, glacfaidh an Coimisiún gníomh cur chun feidhme lena gcinnfear cé acu atá údar leis an mbeart náisiúnta. Glacfar an cinneadh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 98(2). Díreoidh an Coimisiún a chinneadh cur chun feidhme chuig na Ballstáit uile agus cuirfidh sé in iúl láithreach dóibh é agus do na hoibreoirí eacnamaíocha ábhartha.