Airteagal 69 2

(a)

céannacht an iarratasóra ar shonraí sláinte agus tuairisc ar fheidhmeanna gairmiúla agus gníomhaíochtaí an iarratasóra ar shonraí sláinte;

(b)

míniú mionsonraithe ar an úsáid atá beartaithe do na sonraí leictreonacha sláinte, lena n-áirítear na cuspóirí dá dtagraítear in Airteagal 53(1) a bhfuil iarraidh ar rochtain déanta ina leith;

(c)

tuairisc ar na sonraí leictreonacha sláinte arna n-iarraidh, a bhformáid agus foinsí na sonraí sin, i gcás inar féidir;

(d)

tuairisc ar inneachar staitistiúil;

(e)

tuairisc ar na coimircí atá beartaithe chun cosc a chur ar aon mhí-úsáid a bhaint as na sonraí leictreonacha sláinte a iarradh;

(f)

tuairisc ar an tslí a ndéanfadh an phróiseáil Airteagal 6(1) de Rialachán (AE) 2016/679 nó Airteagal 5(1) agus Airteagal 10(2) de Rialachán (AE) 2018/1725 a chomhlíonadh;

(g)

i gcás ina bhfuil sé beartaithe ag an iarratasóir ar shonraí sláinte úsáid a bhaint as eisceacht faoi Airteagal 71(3), an t-údar a cheanglaítear leis an dlí náisiúnta ina leith sin de bhun an Airteagail sin.