Airteagal 9 Ionadaí údaraithe

(a)

a fhíorú, i gcomhréir le hAirteagal 8(2), gur cruthaíodh an pas táirge digiteach, gur cuireadh an fhaisnéis ábhartha faoin bpas táirge digiteach san áireamh sa chlárlann, go bhfuil an doiciméadacht theicniúil tarraingthe suas agus go bhfuil nós imeachta iomchuí um measúnú comhréireachta déanta;

(b)

an doiciméadacht theicniúil a choinneáil ar fáil do na húdaráis náisiúnta faireachais margaidh agus an pas táirge digiteach a choinneáil ar fáil go ceann 10 bliana ón dáta ar a chuirtear an glantach nó an dromchlaghníomhaí a chumhdaítear leis na doiciméid sin ar an margadh;

(c)

mar thoradh ar iarraidh réasúnaithe ó údarás náisiúnta inniúil, an fhaisnéis agus an doiciméadacht uile is gá a chur ar fáil don údarás sin chun a léiriú go gcomhlíonann an glantach nó an dromchlaghníomhaí an Rialachán seo, i dteanga is féidir leis an údarás sin a thuiscint go héasca;

(d)

i gcás ina bhfuil cúis aige lena chreidiúint go mbaineann riosca do shláinte an duine nó don chomhshaol le glantach nó le dromchlaghníomhaí a chumhdaítear leis an sainordú, an monaróir agus na húdaráis faireachais margaidh a chur ar an eolas faoi sin;

(e)

oibriú i gcomhar leis na húdaráis náisiúnta inniúla, arna iarraidh sin dóibh, maidir le haon ghníomhaíocht a dhéantar chun deireadh a chur leis na rioscaí a bhaineann le glantach nó le dromchlaghníomhaí a chumhdaítear leis an sainordú; agus

(f)

an sainordú a fhoirceannadh agus na húdaráis náisiúnta inniúla a chur ar an eolas faoin bhfoirceannadh sin mura gcomhlíonann an monaróir a oibleagáidí faoin Rialachán seo.

(a)

an bhileog sonraí comhábhar a sholáthar agus, i gcás inar gá, a thabhairt cothrom le dáta i gcomhréir le hAirteagal 8(6);

(b)

an fhaisnéis atá ar an mbileog sonraí comhábhar a choinneáil faoi rún;

(c)

a fhíorú go gcomhlíonann glantaigh agus dromchlaghníomhaithe na ceanglais lipéadaithe a leagtar amach in Airteagal 17(1), (3), (4) agus (5), Airteagal 18(1), Airteagal 19(1) agus (2) agus, i gcás inarb infheidhme, Airteagal 17(2), Airteagal 18(2) agus Airteagal 19(3); agus

(d)

a dhícheall a dhéanamh chun a fhíorú go léiríonn an doiciméadacht agus an fhaisnéis arna soláthar ag an monaróir i gcomhréir le hAirteagal 8(7) go gcomhlíonann na táirgí an Rialachán seo.