IARSCRÍBHINN V
Cuid I: Samhail Pointe Sonraí Aonair
Déanfar gach ítim sonraí a leagtar amach in Iarscríbhinní I agus II a ghabhann leis an Rialachán seo a chlaochlú ina samhail pointe sonraí aonair.
Leis an tsamhail pointe sonraí aonair, comhlíonfar na critéir seo a leanas:
|
(a)
|
Cuirfear ar fáil léi uiríoll struchtúrtha maidir leis na míreanna sonraí ar fad a leagtar amach in Iarscríbhinn I;
|
|
(b)
|
Sainaithnítear inti na coincheapa gnó uile a leagtar amach in Iarscríbhinn II;
|
|
(c)
|
Cuirfear ar fáil léi foclóir sonraí ina sainaithnítear lipéid táblaí, lipéid ordanáidí, lipéid aiseanna, lipéid fearann, lipéid toisí agus lipéid bhall;
|
|
(d)
|
Cuirfear ar fáil léi méadrachtaí lena sainmhínítear airí nó méid na bpointí sonraí;
|
|
(e)
|
Cuirfear ar fáil léi sainmhínithe ar phointí sonraí a chuirtear in iúl mar chomhdhéanamh saintréithe a shainaithníonn an coincheap ar bhealach aonchiallach;
|
|
(f)
|
Áireofar inti na sonraíochtaí teicniúla ábhartha ar fad is gá chun réitigh tuairiscithe TF a fhorbairt a chuirfidh sonraí maoirseachta aonfhoirmeacha ar fáil.
|
Cuid II: Rialacha bailíochtaithe
Beidh na hítimí sonraí a leagtar amach in Iarscríbhinn I agus in Iarscríbhinn II a ghabhann leis an Rialachán seo faoi réir rialacha bailíochtaithe lena n-áiritheofar cáilíocht agus comhsheasmhacht sonraí.
Leis na rialacha maidir le bailíochtú, comhlíonfar na critéir seo a leanas:
|
(a)
|
Go sainmhíneofar iontu an caidreamh loighciúil idir pointí sonraí ábhartha;
|
|
(b)
|
Go n-áireofar iontu scagairí agus réamhchoinníollacha lena sainítear sonraí a bhfuil feidhm ag riail bailíochtaithe ina leith;
|
|
(c)
|
Go seiceálfar leo comhsheasmhacht na sonraí tuairiscithe;
|
|
(d)
|
Go seiceálfar leo cruinneas na sonraí tuairiscithe;
|
|
(e)
|
Go leagfar síos leo luachanna a chuirfear i bhfeidhm i gcás nach dtuairiscítear an fhaisnéis ábhartha.
|