2. I gcás ina dtarlaíonn athruithe ábhartha maidir le staid an tsoláthraí seirbhísí TFC tríú páirtí chriticiúil, féadfaidh an Príomh-Fhormhaoirseoir nuashonrú a dhéanamh, i gcomhaontú leis an Líonra Formhaoirseachta Comhpháirtí, ar chomhdhéanamh na foirne scrúdúcháin comhpháirtí atá freagrach as na gníomhaíochtaí formhaoirseachta a dhéanamh ar an soláthraí seirbhísí TFC tríú páirtí criticiúil sin.
Chuige sin, bainfidh athruithe ábhartha maidir leis an soláthraí seirbhísí TFC tríú páirtí criticiúil le haon cheann díobh seo a leanas:
|
(a)
|
na seirbhísí a sholáthraíonn soláthraí seirbhísí TFC tríú páirtí criticiúil;
|
|
(b)
|
na gníomhaíochtaí a dhéanann eintitis airgeadais a fhaigheann tacaíocht ó sheirbhísí TFC an tsoláthraí seirbhísí TFC tríú páirtí chriticiúil;
|
|
(c)
|
an liosta de sholáthraithe seirbhísí TFC tríú páirtí criticiúla ar leibhéal an Aontais dá dtagraítear in Airteagal 31(9) de Rialachán (AE) 2022/2554.
|