Airteagal 16 Tuairisciú ar an gceanglas maidir le cumhdach leachtachta ar bhonn aonair nó ar bhonn comhdhlúite

Chun faisnéis ar an gceanglas maidir le cumhdach leachtachta a thuairisciú i gcomhréir le hAirteagal 430(1), pointe (d) de Rialachán (AE) Uimh. 575/2013 ar bhonn aonair nó ar bhonn comhdhlúite, déanfaidh institiúidí an fhaisnéis a chur isteach a shonraítear in Iarscríbhinn XXIV a ghabhann leis an Rialachán seo, i gcomhréir leis na treoracha in Iarscríbhinn XXV a ghabhann leis an Rialachán seo, ar bhonn minicíochta ráithiúla;

San fhaisnéis a leagfar amach in Iarscríbhinn XXIV, cuirfear san áireamh an fhaisnéis a chuirfear isteach le haghaidh an dáta tagartha agus an fhaisnéis ar shreabha airgid na hinstitiúide le haghaidh na 30 lá féilire ina dhiaidh sin.