Airteagal 7 Réamhfhógra maidir le díolúintí

1.   Fógróidh na Ballstáit don Choimisiún faoi dhíolúine ar bith a bhfuil sé i gceist acu a dheonú i gcomhréir le hAirteagail 4, 5 agus 6 gan mhoill. Áireofar leis an bhfógra réasúnú a bheidh bunaithe ar an measúnú riosca ábhartha arna dhéanamh ag an mBallstát chun an díolúine a choinneáil ar bun.

2.   Déanfaidh an Coimisiún laistigh de 2 mhí ón bhfógra dá dtagraítear i mír 1 ceann amháin de na gníomhaíochtaí seo a leanas:

Chun críocha na chéad fhomhíre, féadfaidh an Coimisiún faisnéis bhreise a iarraidh ar an mBallstát a thug an fógra.

3.   Ar dheimhniú a fháil ón gCoimisiún de bhun mhír 2, pointe (a), den Airteagal seo, féadfaidh na Ballstáit cinneadh a ghlacadh lena ndeonaítear an díolúine. Luafar sa chinneadh sin na príomhchúiseanna ar a mbeidh sé bunaithe. Athbhreithneoidh na Ballstáit cinntí mar sin ar bhonn rialta, agus i gcás ar bith ina nuashonraíonn siad a measúnú riosca náisiúnta de bhun Airteagal 8 de Threoir (AE) 2024/1640,

4.   Faoin 10 Deireadh Fómhair, fógróidh na Ballstáit don Choimisiún na díolúintí a dheonaítear de bhun Airteagal 2(2) agus (3) de Threoir (AE) 2015/849, arna theacht i bhfeidhm an 10 Iúil 2027.

5.   Foilseoidh an Coimisiún gach bliain in Iris Oifigiúil an Aontais Eorpaigh liosta na ndíolúintí arna ndeonú de bhun an Airteagail seo agus cuirfidh sé an liosta sin ar fáil go poiblí ar a shuíomh gréasáin.