Airteagal 159 2.

Chun críocha an ríomha dá dtagraítear i mír 1 den Airteagal seo, láimhseálfaidh institiúidí lascainí arna gcinneadh i gcomhréir le hAirteagal 166(1) ar neamhchosaintí sa chlár comhardaithe arna gceannach agus iad ar mainneachtain ar an mbealach céanna agus a láimhseálfaidh siad coigeartuithe sonracha i leith riosca creidmheasa. Ní cheadófar lascainí ar neamhchosaintí sa chlár comhardaithe arna gceannach gan iad a bheith ar mainneachtain a chur san áireamh agus easnamh IRB nó barrachas IRB á ríomh. Ní úsáidfear coigeartuithe sonracha i leith riosca creidmheasa ar neamhchosaintí ar mainneachtain chun méideanna caillteanais ionchasaigh ar neamhchosaintí eile a chumhdach. Ní áireofar i ríomh easnamh IRB ná bharrachas IRB méideanna an chaillteanais ionchasaigh i gcás neamhchosaintí urrúsaithe ná coigeartuithe ginearálta agus sonracha i leith riosca creidmheasa a bhaineann leis na neamhchosaintí sin.