Airteagal 182 Ceanglais a bhaineann go sonrach le féinmheastachán ar fhachtóirí coinbhéartachta

déanfaidh institiúidí fachtóirí coinbhéartachta a mheas de réir an ghráid nó an chomhthiomsaithe saoráide ar bhonn mheán na bhfachtóirí coinbhéartachta réadaithe de réir an ghráid nó an chomhthiomsaithe saoráide, ag baint úsáide di as an meán mainneachtain-ualaithe a thig ó gach mainneachtain a breathnaíodh laistigh de na foinsí sonraí;

úsáidfidh na hinstitiúidí meastacháin ar fhachtóirí coinbhéartachta LGD atá ábhartha do ghéarchor eacnamaíoch má tá siad níos coimeádaí ná an meán fadtréimhseach. Sa mhéid go meastar go soláthróidh córas rátála fachtóirí coinbhéartachta réadaithe ar leibhéal seasmhach de réir an ghráid nó an chomhthiomsaithe thar imeacht ama, déanfaidh institiúidí coigeartuithe ar a meastacháin ar pharaiméadair ►C9  riosca ◄ de réir an ghráid nó an chomhthiomsaithe chun éifeacht an ghéarchoir eacnamaíoch ar an gcaipiteal a theorannú;

léireofar in IRB-CCF institiúidí an fhéidearthacht go ndéanfaidh oibleagáideoir tarraingtí breise go dtí go spreagfar teagmhas mainneachtana agus ina dhiaidh sin;

le linn dóibh teacht ar mheastacháin ar fhachtóirí coinbhéartachta, cuirfidh na hinstitiúidí san áireamh na beartais agus na straitéisí sonracha lenar ghlac siad maidir leis an bhfaireachán ar chuntais agus le próiseáil na n-íocaíochtaí. Cuirfidh na hinstitiúidí san áireamh freisin a mhéid atá siad ábalta agus toilteanach tarraingtí eile a chosc i ndálaí atá gar don mhainneachtain, amhail sáruithe cúnaint nó teagmhais mhainneachtana theicniúla eile;

beidh córais agus nósanna imeachta leormhaithe ar bun ag institiúidí le faireachán a dhéanamh ar mhéideanna saoráide, ar mhéideanna gan íoc i gcomparáid leis na línte atá tiomanta agus ar na hathruithe ar na méideanna gan íoc de réir an oibleagáideora agus an ghráid. Beidh an institiúid i riocht faireachán a dhéanamh go laethúil ar aon iarmhéid gan íoc;

Má úsáideann institiúidí meastacháin éagsúla ar na fachtóirí coinbhéartachta le méideanna na ►C9  neamhchosanta ◄ atá ualaithe ó thaobh ►C9  riosca ◄ a ríomh agus chun críocha inmheánacha, doiciméadófar é sin agus beidh sé réasúnta;

úsáidfear tréimhse shocraithe 12 mhí mar chur chuige chun IRB-CCF institiúidí a mheas;

beidh IRB-CCF institiúidí bunaithe ar shonraí tagartha ina léireofar saintréithe chleachtais bainistíochta an oibleagáideora, na saoráide agus an bhainc i leith na neamhchosaintí dá gcuirfear na meastacháin i bhfeidhm.

sonraí foluiteacha FBM/meánmhargaidh a bheith á gcur i bhfeidhm maidir le hoibleagáideoirí corparáideacha móra;

sonraí ó ghealltanais, ar beag a n-infhaighteacht teorann gan úsáid, a bheith á gcur i bhfeidhm maidir le saoráidí ar mór an infhaighteacht teorann gan úsáid atá acu;

sonraí ó oibleagáideoirí atá thar téarma nó bactha in aghaidh tuilleadh tarraingtí anuas a dhéanamh tráth an dáta tagartha a bheith á gcur i bhfeidhm maidir le hoibleagáideoirí nach eol iad a bheith thar téarma nó faoi shrianta ábhartha;

sonraí a ndearna athruithe i meascán iasachtaí agus táirgí eile creidmheasa na n-oibleagáideoirí difear dóibh thar an tréimhse breathnóireachta mura rud é go bhfuil na sonraí sin coigeartaithe go héifeachtach trí éifeachtaí na n-athruithe sa mheascán táirgí a bhaint.

íosrátaí nó uasteorainneacha ar IRB-CCF nó breathnóireacht ar luach neamhchosanta a shocrú, cé is moite den fhachtóir coinbhéartachta réadaithe atá cothrom le nialas, i gcomhréir leis an dara fomhír de mhír 1;

úsáid a bhaint as meastacháin ar leibhéal an oibleagáideora nach gcumhdaítear leo ina n-iomláine na roghanna ábhartha claochlaithe táirge nó a gcomhcheanglaítear leo go míchuí táirgí a bhfuil saintréithe an-éagsúil acu;

gan ach breathnóireachtaí ábhartha a ndearna claochlú táirge difear dóibh a choigeartú;

breathnóireachtaí a ndearna claochlú próifíle táirge difear dóibh a eisiamh.

cineál, géire agus fad an ghéarchoir eacnamaíoch dá dtagraítear i mír 1;

na coinníollacha ar dá réir a fhéadfaidh údarás inniúil cead a thabhairt d'institiúid sonraí ábhartha a chumhdaíonn tréimhse dhá bhliain a úsáid nuair a chuireann an institiúid an Cur Chuige IRB chun feidhme den chéad uair.