Airteagal 183 1a.

Féadfaidh institiúidí cosaint creidmheasa neamhchistithe a aithint trí chur chuige um shamhaltú coigeartaithe PD/LGD, i gcomhréir leis an Airteagal seo agus faoi réir an cheanglais a leagtar amach i mír 4 den Airteagal seo, nó trí ionadú an chur chuige maidir le paraiméadair riosca faoi A-IRB i gcomhréir le hAirteagal 236a agus faoi réir cheanglais incháilitheachta Chaibidil 4. Beidh beartais shoiléire ag institiúidí chun measúnú a dhéanamh ar na héifeachtaí a bhíonn ag cosaint creidmheasa neamhchistithe ar pharaiméadair riosca. Beidh beartais na n-institiúidí comhsheasmhach le cleachtais inmheánacha bainistíochta riosca agus léireofar ceanglais an Airteagail seo iontu. Sonrófar go soiléir sna beartais sin cé acu modhanna sonracha a dtugtar tuairisc orthu sa mhír seo a úsáidfear i gcás gach córais rátála agus cuirfidh institiúidí na beartais sin i bhfeidhm go comhsheasmhach le himeacht ama.