+Airteagal 213 Ceanglais a bhaineann le ráthaíochtaí agus le díorthaigh chreidmheasa araon
---+Airteagal 213 1.
---+Airteagal 213 2.
---+Airteagal 213 3.

Airteagal 213 Ceanglais a bhaineann le ráthaíochtaí agus le díorthaigh chreidmheasa araon

-

1. Forbhreathnú

,
Airteagal 213 1.

Faoi réir Airteagal 214(1), cáileoidh cosaint creidmheasa a eascraíonn ó ráthaíocht nó ó dhíorthach creidmheasa mar chosaint creidmheasa neamhchistithe incháilithe i gcás ina gcomhlíonfar na coinníollacha uile seo a leanas:

(a) 

is cosaint creidmheasa dhíreach í an chosaint creidmheasa;

(b) 

tá méid na cosanta creidmheasa leagtha amach go soiléir agus ní fhéadfar é a chonspóid;

(c) 

níl aon chlásal i gconradh na cosanta creidmheasa, a bhfuil a chomhlíonadh lasmuigh de rialú díreach na hinstitiúide iasachtaí, a d'fhágfadh:

(i) 

go bhféadfadh an soláthraí cosanta an chosaint creidmheasa a chealú nó a athrú go haontaobhach;

(ii) 

go dtiocfadh méadú ar chostas éifeachtach na cosanta creidmheasa mar thoradh ar cháilíocht chreidmheasa na neamhchosanta faoi chosaint a bheith ag meathlú;

(iii) 

go bhféadfaí cosc a chur ar oibleagáid a bheith ar sholáthraí na cosanta íocaíocht a dhéanamh go tráthúil i gcás nach ndéanfaidh an t-oibleagáideoir bunaidh íocaíochtaí ar bith atá dlite a íoc, nó i gcás ina mbeadh an conradh léasaithe tar éis dul in éag chun luach iarmharach ráthaithe a aithint faoi Airteagail 134(7) agus 166(4);

(iv) 

go bhféadfadh soláthraí na cosanta aibíocht na cosanta creidmheasa a laghdú;

(d) 

tá conradh na cosanta creidmheasa éifeachtach agus inchurtha i bhfeidhm go dlíthiúil i ngach dlínse is iomchuí tráth an comhaontú creidmheasa a bheith á thabhairt i gcrích.

Chun críocha na chéad fhomhíre, pointe (c), ní dhéanfaidh clásal i gconradh na cosanta creidmheasa lena bhforáiltear go gcealófar nó go laghdófar méid na cosanta creidmheasa arna tairiscint ag an ráthóir i gcás dícheall cuí lochtach nó calaois a bheith déanta ag an institiúid iasachtaí an chosaint creidmheasa sin a dhícháiliú óna bheith incháilithe.

Chun críocha na chéad fhomhíre, pointe (c), féadfaidh an soláthraí cosanta aon íocaíocht chnapshuime amháin a dhéanamh ar an airgead uile atá dlite faoin éileamh, nó féadfaidh sé glacadh le hoibleagáidí íocaíochta todhchaíocha an oibleagáideora arna gcumhdach leis an gconradh cosanta creidmheasa.
Airteagal 213 2.
Léireoidh institiúid d'údaráis inniúla go bhfuil córais i bhfeidhm aici chun comhchruinniú ►C9  riosca ◄ a d'fhéadfadh teacht chun cinn de thoradh na húsáide a bhaineann sí as ráthaíochtaí agus díorthaigh chreidmheasa a bhainistiú. Beidh institiúid ábalta an chaoi a n-idirghníomhaíonn a straitéis maidir leis an úsáid a bhaineann sí as díorthaigh chreidmheasa agus as ráthaíochtaí leis an bhainistíocht a dhéanann sí ar a próifíl ►C9  riosca ◄ fhoriomlán a léiriú chun sástachta na n-údarás inniúil.
Airteagal 213 3.
Comhlíonfaidh institiúid aon cheanglas conartha agus reachtúil i leith in-fhorfheidhmitheacht a gcosanta neamhchistithe creidmheasa faoin dlí is infheidhme maidir lena leas sa chosaint chreidmheasa, agus déanfaidh sí na bearta is gá d'fhonn é sin a áirithiú.

Beidh athbhreithniú dlíthiúil leordhóthanach déanta ag institiúid lena ndearbhaítear in-fhorfheidhmitheacht na cosanta neamhchistithe creidmheasa i ngach dlínse iomchuí. Déanfaidh sí athbhreithniú den sórt sin arís de réir mar is gá d'fhonn in-fhorfheidhmitheacht leanúnach a áirithiú.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin