Airteagal 348 Ceanglais cistí dílse le haghaidh GCanna

Gan dochar d'fhorálacha eile sa Roinn seo, beidh suíomhanna i ngnóthais chomhinfheistíochta faoi réir ceanglas cistí dílse le haghaidh riosca an tsuímh, arb éard a bheidh ann riosca ginearálta agus riosca sonrach, arb ionann é agus 32 %. Gan dochar d'Airteagal 353 a ghlactar in éineacht leis an modh leasaithe le hór a láimhseáil a leagtar amach in Airteagal 352(4), beidh suíomhanna i ngnóthais chomhinfheistíochta faoi réir ceanglas cistí dílse le haghaidh riosca an tsuímh, arb éard a bheidh ann riosca ginearálta agus riosca sonrach, agus riosca malairte eachtraí 40 %.

Mura dtugtar a mhalairt le fios in Airteagal 350, ní cheadaítear aon ghlanluacháil idir infheistíochtaí foluiteacha GC agus suímh eile i seilbh na hinstitiúide.