Airteagal 399 Teicnící maolaithe creidmheasa incháilithe

Úsáidfidh institiúid teicníc um maolú ►C12  riosca ◄ creidmheasa chun ►C12  neamhchosant ◄ a ríomh sa chás ina n-úsáidtear an teicníc sin chun ceanglais chaipitil le haghaidh ►C12  riosca ◄ creidmheasa a ríomh i gcomhréir le Teideal II de Chuid a Trí, ar choinníoll go gcomhlíonann an teicníc um maolú ►C12  riosca ◄ creidmheasa na coinníollacha a leagtar amach san Airteagal seo.

Faoi réir mhír 3 den Airteagal seo, más rud é, faoi Airteagail 400 go 403 go gceadaítear cosaint chistithe nó neamhchistithe creidmheasa a aithint, beidh sé faoi réir ag na ceanglais incháilitheachta agus ceanglais eile atá leagtha amach i gCuid a Trí, Teideal II, Caibidil 4 a chomhlíonadh.

Teicnící um maolú ►C12  riosca ◄ creidmheasa nach bhfuil ar fáil ach d'institiúidí a bhaineann úsáid as ceann amháin de na cineálacha cur chuige inmheánach bunaithe ar rátálacha, ní úsáidfear iad chun luachanna ►C12  neamhchosainta ◄ a laghdú ar mhaithe le ►C12  neamhchosainti ◄ móra, cé is moite de ►C12  neamhchosainti ◄ arna n-urrú le réadmhaoin i gcomhréir le hAirteagal 402.

Déanfaidh institiúidí anailís, chomh fada agus is féidir, ar a gcuid ►C9  neamhchosaintí ◄ ar eisitheoirí comhthaobhachta, ar sholáthraithe cosanta neamhchistithe creidmheasa agus ar sócmhainní foluiteacha de bhun Airteagal 390(7) i dtaca le comhchruinnithe a d'fhéadfadh a bheith ann agus, nuair is iomchuí, déanfaidh siad beart agus tabharfaidh siad tuairisc dá n-údarás inniúil maidir le haon torthaí suntasacha.