Airteagal 428at Fachtóir cistiúcháin chobhsaí cheangailtigh 5 %

An chuid neamhtharraingthe de na saoráidí tiomanta creidmheasa agus leachtachta a shonraítear sa ghníomh tarmligthe dá dtagraítear in Airteagal 460(1), beidh sí faoi réir fachtóir cistiúcháin chobhsaí cheangailtigh 5 %.

Maidir le tacair ghlanluachála uile na gconarthaí díorthacha, cuirfidh institiúidí fachtóir cistiúcháin chobhsaí cheangailtigh 5 % i bhfeidhm ar luach cóir absalóideach thacair ghlanluachála na gconarthaí díorthacha sin, an chomhthaobhacht a bhreactar san áireamh, i gcás ina bhfuil luach cóir diúltach ag na tacair ghlanluachála sin. Chun críocha na míre seo, cinnfidh institiúidí an luach cóir mar ollfhoirmiú aon chomhthaobhacht a bhreactar nó socraíochta nó íocaíochtaí agus fáltais a bhaineann le luacháil ar an margadh athruithe ar na conarthaí sin.