Stádas na dtreoirlínte seo

Cuimsítear sa doiciméad seo treoirlínte a eisíodh de bhua Airteagal 16 de Rialachán (AE) Uimh. 1093/2010¹ agus Rialachán (AE) Uimh. 1095/2010² . De réir Airteagal 16(3) de Rialachán (AE) Uimh. 1093/2010 agus Rialachán (AE) Uimh. 1095/2010, ní mór d’údaráis inniúla agus do ghnólachtaí infheistíochta gach iarracht a dhéanamh na treoirlínte a chomhlíonadh.

I dtreoirlínte, leagtar amach tuairim ÚBE agus ESMA maidir le cleachtais mhaoirseachta iomchuí laistigh den Chóras Eorpach um Maoirseacht Airgeadais nó maidir le conas ba cheart dlí an Aontais a chur i bhfeidhm i réimse ar leith. Ba cheart d’údaráis inniúla mar a shainmhínítear iad in Airteagal 4(2) de Rialachán (AE) Uimh. 1093/2010, a bhfuil feidhm ag na treoirlínte maidir leo, comhlíonadh a áirithiú trí na Treoirlínte a ionchorprú ina gcleachtais mar is iomchuí (e.g. trína gcreat dlíthiúil nó a bpróisis mhaoirseachta a leasú), lena n-áirítear i gcás ina bhfuil na treoirlínte dírithe go príomha ar ghnólachtaí infheistíochta.