Raon cásanna dianstrus maicreacnamaíoch agus airgeadais

Is é an chomhpháirt eile den ORC ‘raon na gcásanna ina bhfuil dianstrus maicreacnamaíoch agus airgeadais’. Chun an ORC a chinneadh, ba cheart d’institiúidí a gcumas téarnaimh atá sonrach do na cásanna ábhartha atá beartaithe sa phlean téarnaimh a ríomh (i.e. an ‘cumas téarnaimh cás-sonrach’).

Chun ‘cumas téarnaimh cás-sonrach’ a ríomh, ba cheart d’institiúidí glacadh leis go sáraíonn an cás a gceanglas caipitil iomlán nó cóimheas giarála SREP (TSCR nó TSLRR) mar a shainmhínítear i dtreoirlínte ÚBE maidir le nósanna imeachta comhchoiteanna agus modheolaíochtaí don phróiseas athbhreithnithe agus meastóireachta maoirseachta (‘treoirlínte SREP’)⁵ nó a n-íoscheanglais leachtachta rialála mar a chinntear le measúnú SREP is déanaí.

⁵ EBA/GL/2022/03.

Sna himthosca eisceachtúla ina náitíonn institiúid nach bhfuil sí in ann dianchás sochreidte a tharraingt suas a mbeadh sárú ar na ceanglais chaipitil nó giarála mar a shonraítear i mír 20 mar thoradh air, ba cheart don institiúid míniú mionsonraithe a thabhairt do na húdaráis inniúla maidir leis an bhfáth ar cheart a mheas go bhfuil an cás sonrach sin fós trom go leor chun a chliseadh a chur i mbaol mura rud é gur cuireadh bearta téarnaimh chun feidhme go tráthúil.