Raon feidhme

Tá feidhm ag na Treoirlínte maidir le seirbhíseoirí creidmheasa uile cheart an chreidiúnaí faoi chomhaontú creidmheasa neamhthuillmheach, nó an chomhaontaithe creidmheasa neamhthuillmhigh féin, arna eisiúint ag institiúid creidmheasa atá bunaithe san Aontas. Os a choinne sin, níl feidhm ag na Treoirlínte maidir le heintitis a liostaítear in Airteagal 2(5)(a) de Threoir (AE) 2021/2167.

Tá feidhm ag na Treoirlínte maidir leis an measúnú ar eolas agus ar thaithí leordhóthanach an orgáin bainistíochta nó riaracháin ina iomláine de chuid seirbhíseoirí creidmheasa chun gnó a dhéanamh ar bhealach atá inniúil agus freagrach faoi Airteagal 5(1)(c) de Threoir (AE) 2021/2167. I gcás ina bhfuil an t-orgán comhdhéanta de bhainistíocht agus d’fheidhm mhaoirseachta, tá feidhm ag na Treoirlínte maidir leis an dá fheidhm.

Ba cheart do sheirbhíseoirí creidmheasa cloí leis na Treoirlínte. Ba cheart d’údaráis inniúla a áirithiú go gcomhlíonann seirbhíseoirí creidmheasa na Treoirlínte seo.