Iarscríbhinn II – Liosta na míreanna atá le cur san áireamh sa tuairisc ar gach rogha aisghabhála

Ítimí don tuairisc ar na roghanna aisghabhála:

• a) Achoimre ar na heilimintí riachtanacha.
• b) Tuairisc ar an rogha aisghabhála.
• c) Forbhreathnú ar na príomhthoimhdí is bun le gach rogha aisghabhála.
• d) Measúnú ar na himpleachtaí straitéiseacha a bhaineann leis an rogha aisghabhála a fhorghníomhú.
• e) Measúnú ar an tionchar airgeadais i ngnáthdhálaí margaidh agus i ndálaí anáis sa mhargadh.
• f) Na hiarmhairtí díobhálacha a d’fhéadfadh a bheith ag an rogha aisghabhála.
• g) Amlíne le haghaidh forghníomhú éifeachtach, lena n áirítear an t-amchlár a bhfuiltear ag súil leis chun na gníomhaíochtaí is gá a chur chun feidhme. ‑
• h) Aon spleáchas ar chontrapháirtithe seachtracha le haghaidh forghníomhú éifeachtach.
• i) Comheisiachas – cé acu atá roinnt roghanna aisghabhála comheisiach ar a chéile.
• j) Idirthuilleamaíochtaí – cé acu a d’fhéadfadh gníomhachtú rogha aisghabhála amháin difear a dhéanamh do chur chun feidhme rogha eile ina dhiaidh sin nó go comhuaineach.
• k) Breithnithe oibríochtúla, amhail ceanglais formheasa agus an cumas dhá rogha aisghabhála nó níos mó a chur chun feidhme ag an am céanna.
• l) Measúnú ar na srianta a d’fhéadfadh a bheith ar fhorghníomhú éifeachtach. Tá an measúnú sin ábhartha go háirithe maidir le roghanna dá dtagraítear faoi phointe (1) d’Airteagal 46 de Rialachán (AE) 2023/1114.
• m) An straitéis chumarsáide chun sealbhóirí na gcomharthaí a chur ar an eolas faoi aon bheart a d’fhéadfadh drochthionchar a imirt orthu.