Raon feidhme an chur i bhfeidhm:

Tá feidhm ag na Treoirlínte seo maidir le heisitheoirí comharthaí sócmhainn-tagartha agus comharthaí ríomh-airgid (mar a shainmhínítear i bpointí 6 agus 7 d’Airteagal 3(1) de Rialachán (AE) 2023/1114).

I gcás eisitheoirí comharthaí ríomh-airgid nach bhfuil faoi réir an cheanglais cúlchiste sócmhainní a shealbhú (toisc gur institiúidí creidmheasa nó institiúidí ríomh-airgid iad a eisíonn comharthaí neamhshuntasacha nár fhorchuir a n-údarás inniúil ábhartha é i gcomhréir le hAirteagal 58(2) de Rialachán (AE) 2023/1114), níl feidhm ag na míreanna “Leithdháileadh an chúlchiste sócmhainní chun éilimh fuascailte na sealbhóirí comharthaí a chomhlíonadh” agus “Leachtú an chúlchiste sócmhainní”, faoi 4.2., ach amháin i gcás na míreanna sin a bhfuil léiriú sainráite ann ina leith iad a chur i bhfeidhm mutatis mutandis , agus mar an gcéanna i gcás aon mhír nó cuid eile sna Treoirlínte lena nglactar leis go bhfuil an t-eisitheoir faoi réir an cheanglais sin.