4.3 Teimpléid chun an fhaisnéis is gá a bhailiú ó sholáthraithe seirbhísí cripteashócmhainní

Chun críocha na bpointí sonraí a leagtar síos sna Treoirlínte seo a chur isteach, ba cheart d’eisitheoirí a cheangal ar sholáthraithe seirbhísí cripteashócmhainní (SSCSanna) a sholáthraíonn seirbhísí a bhaineann le ARTanna agus EMTanna an fhaisnéis is gá a sholáthar dóibh chun cur isteach na bpointí sonraí dá dtagraítear sna Treoirlínte seo a ullmhú.

Chun an fhaisnéis is gá a bhailiú ó na SSCSanna ábhartha, ba cheart d’eisitheoirí EMTanna atá ainmnithe in airgeadra ar airgeadra oifigiúil de chuid Ballstáit é na teimpléid agus na treoracha seo a leanas a sholáthar dóibh:

• a. teimpléad S 06.01 agus teimpléad S 06.02 d’Iarscríbhinn III, agus treoracha gaolmhara mar a shonraítear in Iarscríbhinn IV;
• b. teimpléad S 07.01, teimpléad S 07.02, teimpléad S 07.04 agus teimpléad S 08.00 d’Iarscríbhinn III a ghabhann le Rialachán Cur Chun Feidhme (AE) 2024/2902 ón gCoimisiún, agus treoracha gaolmhara mar a shonraítear sa Rialachán sin.

Ina theannta sin, ba cheart d’eisitheoirí ARTanna agus EMTanna teimpléad S 07.05 d’Iarscríbhinn III, agus treoracha gaolmhara mar a shonraítear in Iarscríbhinn IV, a sholáthar do na SSCSanna ábhartha.