306. Ba cheart d’údaráis inniúla measúnú a dhéanamh ar iontaofacht ríomhanna an ICAAP trí mheasúnú …

Ba cheart d’údaráis inniúla measúnú a dhéanamh ar iontaofacht ríomhanna an ICAAP trí mheasúnú a dhéanamh ar cibé acu atá nó nach bhfuil siad:

• a. gráinneach: ba cheart go gceadódh na ríomhanna/modheolaíochtaí na ríomhanna a mhiondealú de réir cineáil riosca, seachas ríomh amháin (caipiteal eacnamaíoch) a chur i láthair lena gclúdaítear na rioscaí go léir;
• b. inchreidte: ba cheart go gclúdódh na ríomhanna/modheolaíochtaí a úsáidtear an riosca a bhfuil siad ag iarraidh aghaidh a thabhairt air (e.g. ba cheart go n-úsáidfeadh an ríomh riosca comhchruinnithe creidmheasa miondealuithe earnála iomchuí a léiríonn comhghaolta iarbhír agus comhdhéanamh punainne) agus ba cheart go mbeadh sé láidir, cobhsaí, íogair ó thaobh riosca agus coimeádach a dhóthain d'fhonn na caillteanais a bhaineann leis na rioscaí a chainníochtú go leordhóthanach. Ba cheart go mbeadh ríomhanna/modheolaíochtaí den sórt sin comhsheasmhach le próisis straitéiseacha na n-institiúidí, lena n-áirítear inghlacthacht riosca na n-institiúidí;
• c. sothuigthe: ba cheart go mbeadh tionscnóirí foluiteacha na ríomhanna/modheolaíochtaí sonraithe go soiléir. Níor cheart go nglacfaí le ríomh 'bosca dubh'. Ba cheart d’údaráis inniúla a áirithiú go soláthróidh an institiúid míniú ar na príomhbhoinn tuisceana a úsáidtear, lena n-áirítear ar a laghad tréimhse ama, leibhéil muiníne, toimhdí comhghaoil, príomhpharaiméadair, na réimsí is inearráide de na samhlacha a úsáidtear, agus conas a dhéantar iad sin a chuntas agus a cheartú sa ríomh deiridh ICAAP;
• d. inchomparáide: ba cheart go luafaí go soiléir sna ríomhanna/modheolaíochtaí na príomhthoimhdí i dtéarmaí leibhéal foriomlán an choimeádachais, na dtréimhsí sealbhaíochta/tréimhsí riosca agus leibhéil muiníne (nó tomhas coibhéiseach) chun an coigeartú a d’fhéadfadh na húdaráis inniúla a iarraidh nó a achtú a cheadú d’fhonn inchomparáideacht le piaraí agus tagarmharcáil mhaoirseachta a éascú.

1. Forbhreathnú

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

3. Caighdeáin ghaolmhara

• EBA - Published by the European Banking Authority at https://www.eba.europa.eu/