Teimpléad chun críocha Airteagal 8(4) de Rialachán (AE) 2023/1114

Ba cheart do thairgeoirí, do dhaoine a bhfuil ligean isteach chun trádála á iarraidh acu, agus d’oibreoirí ardán trádála le haghaidh cripteashócmhainní seachas ARTanna agus EMTanna (daoine ábhartha) an teimpléad dá dtagraítear in Iarscríbhinn A a úsáid chun an míniú dá dtagraítear in Airteagal 8(4) de Rialachán (AE) 2023/1114 a sholáthar.

Ba cheart gach réimse a leagtar amach sa teimpléad a chomhlánú leis an bhfaisnéis uile ba ghá chun míniú soiléir, cothrom, iomlán nach mbeadh míthreorach a thabhairt ar aicmiú na cripteashócmhainne. Ba cheart tagairt a dhéanamh don mhéid seo a leanas chun bonn eolais a chur faoin míniú ar aicmiú na cripteashócmhainne:

• a. foinse na sainmhínithe a cuireadh san áireamh i gcás gach táirge rialála dá dtagraítear sa teimpléad, lena n-áirítear dlí an Aontais agus an dlí náisiúnta is infheidhme;
• b. iomlán:
• i. chásdlí ábhartha Chúirt Bhreithiúnais an Aontais Eorpaigh agus na gcúirteanna náisiúnta;
• ii. na mbeart rialála, lena n-áirítear rialacha agus treoir, sa Bhallstát lena mbaineann;
• iii. na treorach léirmhínithí ón gCoimisiún Eorpach agus Treoirlínte ó na hÚdaráis Mhaoirseachta Eorpacha;
• iv. na treorach léirmhínithí ó údaráis inniúla nó aon fhoinse eile atá ábhartha maidir le léirmhíniú coincheap rialála.