Ceanglais tuairiscithe

Ba cheart d’údaráis inniúla cur chuige rioscabhunaithe a ghlacadh, ag tosú le measúnú ábharthachta chun na rioscaí is ábhartha agus is mó tionchair a shainaithint agus chun a chinneadh cé acu de na rioscaí ábhartha sin ba cheart a bheith mar chuid de raon feidhme cleachtadh tástála struis.

Mar chuid den mheasúnú ábharthachta, ba cheart d’údaráis inniúla na rioscaí CSR is ábhartha d’eintitis airgeadais a shainaithint, agus a samhail ghnó, a bpunanna, a neamhchosaintí geografacha agus a ngníomhaíochtaí earnála thar thréimhse ghearrthéarmach go tréimhse fhadtéarmach á gcur san áireamh acu. Ba cheart d’údaráis inniúla breithniú a dhéanamh, thar na tréimhsí ama éagsúla, ar an dá ghné seo a leanas:

• ▪ neamhchosaint na sócmhainní agus na ndliteanas ar rioscaí i dtaobh aistrithe (mar shampla, bunaithe ar a lorg carbóin) agus ar rioscaí fisiceacha (mar shampla, bunaithe ar a suíomh geografach); agus
• ▪ na tionchair a d’fhéadfadh a bheith ag tosca CSR ar chatagóirí traidisiúnta rioscaí airgeadais, i.e. riosca margaidh, riosca creidmheasa, riosca contrapháirtí, riosca frithgheallta, chomh maith le riosca oibriúcháin, riosca clú agus riosca straitéiseach ach na príomhbhealaí tarchurtha a shainaithint.