Airteagal 8 Cinneadh chun údarú chun oibriú san Aontas a dheonú nó diúltú dó agus fógra a thabhairt faoin gcinneadh sin

1.   Déanfaidh ESMA cinneadh lán-réasúnaithe a ghlacadh lena n-údaraítear d’iarratasóir oibriú san Aontas mar sholáthraí rátála ESG i gcás ina gcinnfidh sé óna scrúdú ar an iarratas dá dtagraítear in Airteagal 7 go gcomhlíonann an t-iarratasóir na ceanglais maidir le soláthar rátálacha ESG a leagtar amach sa Rialachán seo.

I gcás ina dtagann ESMA ar an gconclúid, tar éis scrúdú a dhéanamh ar an iarratas, nach gcomhlíonann an t-iarratasóir na ceanglais maidir le soláthar rátálacha ESG a leagtar amach sa Rialachán seo, glacfaidh sé cinneadh lán-réasúnaithe lena ndiúltaítear don údarú sin.

2.   Cuirfidh ESMA an t-iarratasóir ar an eolas laistigh de chúig lá oibre ón gcinneadh dá dtagraítear i mír 1.

3.   Cuirfidh ESMA an Coimisiún, ÚBE agus ÚEÁPC ar an eolas faoi aon chinneadh a dhéantar de bhun mhír 2.

4.   Beidh éifeacht leis an údarú i gcríoch an Aontais ina hiomláine.