Airteagal 21 Seachfhoinsiú

1.   Ní dhéanfar seachfhoinsiú feidhmeanna oibríochtúla tábhachtacha ar bhealach trína ndéanfaí dochar ábhartha do cháilíocht rialuithe inmheánacha soláthraí rátála ESG agus do chumas ESMA maoirseacht a dhéanamh ar chomhlíonadh a oibleagáidí faoin Rialachán seo ag an soláthraí rátála ESG.

2.   Maidir le soláthraithe rátála ESG a sheachfhoinsíonn feidhmeanna nó aon seirbhísí nó aon ghníomhaíochtaí atá ábhartha maidir le rátáil ESG a sholáthar, leanfaidh siad de bheith lánfhreagrach as a n-oibleagáidí uile faoin Rialachán seo a chomhlíonadh agus as an bhfaisnéis dá dtagraítear in Iarscríbhinn II a nochtadh.