+Airteagal 102
---+Airteagal 102 1.
---+Airteagal 102 2.
---+Airteagal 102 3.
---+Airteagal 102 4.

Airteagal 102

1. Forbhreathnú

,
Airteagal 102 1.

Faoin 31 Nollaig 2030, agus gach 5 bliana ina dhiaidh sin, déanfaidh an Coimisiún tuairisc a tharraingt suas ar fheidhmíocht an Údaráis i leith a chuspóirí, a shainordaithe, a chúraimí agus a shuímh, i gcomhréir le treoirlínte ón gCoimisiún. Tabharfar aghaidh sa tuairisc sin, go háirithe, ar an méid seo a leanas:

(a) 

an gá a d’fhéadfadh a bheith ann sainordú an Údaráis a leasú, agus na himpleachtaí airgeadais a d’fhéadfadh a bheith ag aon leasú den sórt sin;

(b) 

tionchar ghníomhaíochtaí maoirseachta agus cúraimí uile an Údaráis ar mhaithe le leas an Aontais ina iomláine, agus go sonrach an éifeachtacht maidir leis na nithe seo a leanas:

(i) 

cúraimí maoirseachta agus gníomhaíochtaí a bhaineann le maoirseacht dhíreach ar eintitis roghnaithe faoi oibleagáid;

(ii) 

maoirseacht indíreach ar eintitis neamhroghnaithe faoi oibleagáid;

(iii) 

formhaoirseacht indíreach ar eintitis eile faoi oibleagáid;

(c) 

tionchar na ngníomhaíochtaí a bhaineann le tacaíocht agus comhordú FIUnna, agus go háirithe comhordú na n-anailísí comhpháirteacha ar ghníomhaíochtaí agus idirbhearta trasteorann arna ndéanamh ag FIUnna;

(d) 

neamhchlaontacht, oibiachtúlacht agus uathriail an Údaráis;

(e) 

oiriúnacht socruithe rialachais, lena n-áirítear comhdhéanamh an Bhoird Feidhmiúcháin, na socruithe vótála ann agus an caidreamh atá aige leis an mBord Ginearálta;

(f) 

costéifeachtacht an Údaráis, más iomchuí, ar leithligh i ndáil lena fhoinsí áirithe cistiúcháin;

(g) 

éifeachtacht an tsásra iontaofa in aghaidh chinntí an Údaráis agus na socruithe neamhspleáchais agus cuntasachta is infheidhme maidir leis an Údarás;

(h) 

éifeachtacht socruithe comhair agus comhroinnt faisnéise idir an tÚdarás agus údaráis neamh-AML/CFT;

(i) 

an t-idirghníomhú idir an tÚdarás agus údaráis agus comhlachtaí maoirseachta eile an Aontais, lena n-áirítear ÚBE, Europol, Eurojust, OLAF agus OIPE;

(j) 

raon feidhme na maoirseachta dírí agus na critéir agus an mhodheolaíocht i dtaobh eintitis a mheasúnú agus a roghnú le haghaidh maoirseacht dhíreach;

(k) 

éifeachtacht chumhachtaí maoirseachta agus smachtbhannaí an Údaráis;

(l) 

an éifeachtacht agus an cóineasú i dtaca le cleachtais mhaoirseachta arna mbaint amach ag na húdaráis inniúla agus ról an Údaráis iontu.
Airteagal 102 2.

Scrúdófar na nithe seo a leanas sa tuairisc dá dtagraítear i mír 1 chomh maith:

(a) 

i dtaobh an leor acmhainní an Údaráis chun a chuid freagrachtaí a chomhall;

(b) 

i dtaobh an iomchuí cúraimí maoirseachta breise a thabhairt don Údarás maidir le heintitis faoi oibleagáid san earnáil seach-airgeadais, ina sonrófar, de réir mar is iomchuí, na cineálacha eintiteas ar cheart dóibh a bheith faoi réir na gcúraimí maoirseachta breise;

(c) 

i dtaobh an iomchuí cúraimí breise a thabhairt don Údarás i réimse na tacaíochta agus an chomhordaithe ar obair FIUnna;

(d) 

i dtaobh an iomchuí cumhachtaí smachtbhannaí breise a thabhairt don Údarás.
Airteagal 102 3.
I ngach dara tuairisc, déanfaidh an Coimisiún athbhreithniú críochnúil ar na torthaí a bhain an tÚdarás amach ag féachaint dá chuspóirí, dá shainordú, dá chúraimí agus dá chumhachtaí, lena n-áirítear measúnú ina bpléifear an bhfuil bonn cirt fós le leanúint an Údaráis ó thaobh na gcuspóirí, an tsainordaithe agus na gcúraimí sin de.
Airteagal 102 4.
Déanfar an tuairisc agus aon togra a ghabhann léi, de réir mar is iomchuí, a chur ar aghaidh chuig Parlaimint na hEorpa agus chuig an gComhairle.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin