Airteagal 9 1.

Tairgeoirí agus daoine atá ag iarraidh go ligfí isteach cripteashócmhainní chun a dtrádála seachas comharthaí sócmhainn-tagartha nó comharthaí ríomh-airgid, foilseoidh siad a bpáipéir bhána maidir le cripteashócmhainní agus, i gcás inarb infheidhme, a gcumarsáid mhargaíochta, ar a suíomh gréasáin, a mbeidh rochtain ag an bpobal air, tráth réasúnach roimh an tairiscint don phobal ar na cripteashócmhainní sin nó ligean isteach na gcripteashócmhainní sin chun a dtrádála, agus, in aon chás, roimh dháta tosaigh na tairisceana don phobal ar na cripteashócmhainní sin nó ligean isteach na gcripteashócmhainní sin chun a dtrádála. Beidh na páipéir bhána maidir le cripteashócmhainní agus, i gcás inarb infheidhme, an chumarsáid mhargaíochta ar fáil ar shuíomh gréasáin na dtairgeoirí nó na ndaoine a bhfuil ligean isteach chun trádála á iarraidh acu chomh fada agus atá na cripteashócmhainní á sealbhú ag an bpobal.