+Airteagal 47 Plean fuascailte
---+Airteagal 47 1.
---+Airteagal 47 2.
---+Airteagal 47 3.
---+Airteagal 47 4.
---+Airteagal 47 5.

Airteagal 47 Plean fuascailte

1. Forbhreathnú

,
Airteagal 47 1.
Déanfaidh eisitheoir comhartha sócmhainn-tagartha plean oibríochtúil a tharraingt suas agus a choimeád ar bun chun tacú le fuascailt ordúil gach comhartha sócmhainn-tagartha, atá le cur chun feidhme ar chinneadh ón údarás inniúil nach bhfuil an t-eisitheoir in ann nó gur dócha nach mbeidh sé in ann a oibleagáidí a chomhlíonadh, lena n-áirítear i gcás dócmhainneachta nó, i gcás inarb infheidhme, réitigh nó i gcás údarú an eisitheora a tharraingt siar, gan dochar do thús a chur le beart coiscthe géarchéime nó beart bainistithe géarchéime mar a shainmhínítear in Airteagal 2(1), pointí (101) agus (102), faoi seach, de Threoir 2014/59/AE nó gníomhaíocht réitigh mar a shainmhínítear in Airteagal 2, pointe (11), de Rialachán (AE) 2021/23 ó Pharlaimint na hEorpa agus ón gComhairle ( 18 ).
Airteagal 47 2.
Leis an bplean fuascailte, léireofar cumas eisitheoir an chomhartha sócmhainn-tagartha fuascailt a dhéanamh ar an gcomhartha sócmhainn-tagartha gan íoc a eisíodh gan díobháil eacnamaíoch mhíchuí a dhéanamh dá shealbhóirí ná do chobhsaíocht mhargaí na gcúlsócmhainní.

Áireofar sa phlean fuascailte socruithe conarthacha, nósanna imeachta agus córais, lena n-áirítear riarthóir sealadach a ainmniú i gcomhréir leis an dlí is infheidhme, chun a áirithiú go gcaitear go cothrom le gach sealbhóir comharthaí sócmhainn-tagartha agus chun a áirithiú go n-íoctar sealbhóirí comharthaí sócmhainn-tagartha ar bhealach tráthúil ó na fáltais ó dhíol na gcúlsócmhainní atá fágtha.

Áiritheofar leis an bplean fuascailte leanúnachas aon ghníomhaíochtaí criticiúla atá riachtanach don fhuascailt ordúil agus a dhéanann eisitheoirí nó aon eintiteas tríú páirtí.
Airteagal 47 3.
Tabharfaidh eisitheoir an chomhartha sócmhainn-tagartha fógra faoin bplean fuascailte don údarás inniúil laistigh de 6 mhí ó dháta an údaraithe de bhun Airteagal 21 nó laistigh de 6 mhí ó dháta formheasta an pháipéir bháin maidir le cripteashócmhainní de bhun Airteagal 17. Éileoidh an t-údarás inniúil leasuithe ar an bplean fuascailte i gcás inar gá chun a chur chun feidhme cuí a áirithiú agus déanfaidh sé fógra faoina chinneadh lena n-iarrtar na leasuithe sin a thabhairt don eisitheoir laistigh de 40 lá oibre ó dháta fógartha an phlean sin. Cuirfidh an t-eisitheoir an cinneadh sin chun feidhme laistigh de 40 lá oibre ó dháta fógartha an chinnidh sin. Déanfaidh an t-eisitheoir an plean fuascailte a athbhreithniú agus a thabhairt cothrom le dáta go tráthrialta.
Airteagal 47 4.
I gcás inarb infheidhme, tabharfaidh an t-údarás inniúil fógra faoin bplean fuascailte d’údarás réitigh agus d’údarás maoirseachta stuamachta an eisitheora.

Féadfaidh an t-údarás réitigh an plean fuascailte a scrúdú d’fhonn aon ghníomhaíochtaí sa phlean fuascailte a shainaithint a bhféadfadh drochthionchar a bheith acu ar inréiteacht an eisitheora, agus féadfaidh sé moltaí a chur faoi bhráid an údaráis inniúil ina leith sin.
Airteagal 47 5.

Eiseoidh ÚBE treoirlínte i gcomhréir le hAirteagal 16 de Rialachán (AE) Uimh. 1093/2010 chun an méid seo a leanas a shonrú:

(a) 

inneachar an phlean fuascailte agus tréimhsiúlacht an athbhreithnithe, agus méid, castacht agus cineál an chomhartha sócmhainn-tagartha agus samhail ghnó a eisitheora á gcur san áireamh; agus

(b) 

na truicir chun an plean fuascailte a chur chun feidhme.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin