+Airteagal 60 Soláthar seirbhísí cripteashócmhainní ag eintitis airgeadais áirithe
---+Airteagal 60 1.
---+Airteagal 60 2.
---+Airteagal 60 3.
---+Airteagal 60 4.
---+Airteagal 60 5.
---+Airteagal 60 6.
---+Airteagal 60 7.
---+Airteagal 60 8.
---+Airteagal 60 9.
---+Airteagal 60 10.
---+Airteagal 60 11.
---+Airteagal 60 12.
---+Airteagal 60 13.
---+Airteagal 60 14.

Airteagal 60 Soláthar seirbhísí cripteashócmhainní ag eintitis airgeadais áirithe

1. Forbhreathnú

,
Airteagal 60 1.
Féadfaidh institiúid creidmheasa seirbhísí cripteashócmhainní a sholáthar má chuireann sí an fhaisnéis dá dtagraítear i mír 7 in iúl d’údarás inniúil a Ballstáit baile 40 lá oibre ar a laghad sula soláthróidh sí na seirbhísí sin den chéad uair.
Airteagal 60 2.
Ní dhéanfaidh taisclann lárnach urrús a údaraítear faoi Rialachán (AE) Uimh. 909/2014 ó Pharlaimint na hEorpa agus ón gComhairle ( 19 ) cumhdach agus riar cripteashócmhainní a sholáthar thar ceann cliant ach amháin má thugann sí fógra d’údarás inniúil an Bhallstáit baile faoin bhfaisnéis dá dtagraítear i mír 7 den Airteagal seo 40 lá oibre ar a laghad sula soláthróidh sí an tseirbhís sin den chéad uair.

Chun críocha na chéad fhomhíre den mhír seo, meastar go bhfuil soláthar cumhdaigh agus riar cripteashócmhainní thar ceann cliant coibhéiseach le cuntais urrús a sholáthar, a choimeád ar bun nó a oibriú i ndáil leis an tseirbhís socraíochta dá dtagraítear i Roinn B, pointe (3), den Iarscríbhinn a ghabhann le Rialachán (AE) Uimh. 909/2014.
Airteagal 60 3.
Féadfaidh gnólacht infheistíochta seirbhísí cripteashócmhainní a sholáthar san Aontas atá coibhéiseach leis na seirbhísí agus gníomhaíochtaí infheistíochta dá bhfuil sé údaraithe go sonrach faoi Threoir 2014/65/AE má thugann sé fógra d’údarás inniúil an Bhallstáit baile faoin bhfaisnéis dá dtagraítear i mír 7 den Airteagal seo 40 lá oibre ar a laghad roimh na seirbhísí sin a sholáthar den chéad uair.

Chun críocha na míre seo:

(a) 

meastar go bhfuil soláthar cumhdaigh agus riar cripteashócmhainní thar ceann cliant coibhéiseach leis an tseirbhís choimhdeach dá dtagraítear i Roinn B, pointe (1), d’Iarscríbhinn I a ghabhann le Treoir 2014/65/AE;

(b) 

meastar go bhfuil oibriú ardáin trádála le haghaidh cripteashócmhainní coibhéiseach le hoibriú saoráide trádála iltaobhaí agus oibriú saoráide trádála eagraithe dá dtagraítear i Roinn A, pointí (8) agus (9), faoi seach, d’Iarscríbhinn I a ghabhann le Treoir 2014/65/AE;

(c) 

meastar go bhfuil malartú cripteashócmhainní le haghaidh cistí agus cripteashócmhainní eile coibhéiseach le déileáil ar a gcuntas féin dá dtagraítear i Roinn A, pointe (3), d’Iarscríbhinn I a ghabhann le Treoir 2014/65/AE;

(d) 

meastar go bhfuil forghníomhú orduithe le haghaidh cripteashócmhainní thar ceann cliant coibhéiseach le forghníomhú orduithe thar ceann cliant dá dtagraítear i Roinn A, pointe (2), d’Iarscríbhinn I a ghabhann le Treoir 2014/65/AE;

(e) 

meastar go bhfuil láithriú cripteashócmhainní coibhéiseach le hionstraimí airgeadais a fhrithghealladh nó a láithriú ar bhonn gealltanas daingean agus le hionstraimí airgeadais a láithriú gan bonn gealltanas daingean dá dtagraítear i Roinn A, pointe (6) agus pointe (7), faoi seach, d’Iarscríbhinn I a ghabhann le Treoir 2014/65/AE;

(f) 

meastar go bhfuil glacadh agus tarchur orduithe le haghaidh cripteashócmhainní thar ceann cliant coibhéiseach le horduithe a ghlacadh agus a tharchur i ndáil le hionstraim airgeadais amháin nó níos mó dá dtagraítear i Roinn A, pointe (1), d’Iarscríbhinn I a ghabhann le Treoir 2014/65/AE;

(g) 

meastar go bhfuil tabhairt comhairle maidir le cripteashócmhainní coibhéiseach leis an gcomhairle infheistíochta dá dtagraítear i Roinn A, pointe (5), d’Iarscríbhinn I a ghabhann le Treoir 2014/65/AE;

(h) 

meastar go bhfuil bainistiú punainne maidir le cripteashócmhainní coibhéiseach le bainistiú punainne dá dtagraítear i Roinn A, pointe (4), d’Iarscríbhinn I a ghabhann le Treoir 2014/65/AE.
Airteagal 60 4.
Ní dhéanfaidh institiúid ríomh-airgid a údaraítear faoi Threoir 2009/110/CE cumhdach agus riar cripteashócmhainní a sholáthar thar ceann cliant agus seirbhísí aistrithe le haghaidh cripteashócmhainní a sholáthar thar ceann cliant maidir leis na comharthaí ríomh-airgid a eisíonn ach amháin má thugann sí fógra d’údarás inniúil an Bhallstáit baile faoin bhfaisnéis dá dtagraítear i mír 7 den Airteagal seo 40 lá oibre ar a laghad sula soláthróidh sí na seirbhísí sin den chéad uair.
Airteagal 60 5.
Féadfaidh cuideachta bainistíochta GCUI nó bainisteoir cistí infheistíochta malartacha seirbhísí cripteashócmhainní a sholáthar atá coibhéiseach le bainistiú punann infheistíochta agus seirbhísí nach croísheirbhísí iad dá bhfuil sí údaraithe faoi Threoir 2009/65/CE nó Treoir 2011/61/AE má thugann sí fógra d’údarás inniúil an Bhallstáit baile faoin bhfaisnéis dá dtagraítear i mír 7 den Airteagal seo 40 lá oibre ar a laghad sula soláthróidh sí na seirbhísí sin den chéad uair.

Chun críocha na míre seo:

(a) 

meastar go bhfuil glacadh agus tarchur orduithe le haghaidh cripteashócmhainní thar ceann cliant coibhéiseach le horduithe a ghlacadh agus a tharchur i ndáil le hionstraimí airgeadais dá dtagraítear in Airteagal 6(4), pointe (b)(iii), de Threoir 2011/61/AE;

(b) 

meastar go bhfuil tabhairt comhairle maidir le cripteashócmhainní coibhéiseach le comhairle infheistíochta dá dtagraítear in Airteagal 6(4), pointe (b)(i), de Threoir 2011/61/AE agus in Airteagal 6(3), pointe (b)(i), de Threoir 2009/65/CE;

(c) 

meastar go bhfuil bainistiú punainne maidir le cripteashócmhainní coibhéiseach leis na seirbhísí dá dtagraítear in Airteagal 6(4), pointe (a), de Threoir 2011/61/AE agus in Airteagal 6(3), pointe (a), de Threoir 2009/65/CE.
Airteagal 60 6.
Féadfaidh oibreoir margaidh a údaraítear faoi Threoir 2014/65/AE ardán trádála le haghaidh cripteashócmhainní a oibriú má thugann sé fógra d’údarás inniúil an Bhallstáit baile maidir leis an bhfaisnéis dá dtagraítear i mír 7 den Airteagal seo 40 lá oibre ar a laghad sula soláthróidh sé na seirbhísí sin den chéad uair.
Airteagal 60 7.

Chun críocha mhíreanna 1 go 6, tabharfar fógra faoin bhfaisnéis seo a leanas:

(a) 

clár oibríochtaí lena leagtar amach na cineálacha seirbhísí cripteashócmhainní atá beartaithe ag an soláthraí seirbhísí cripteashócmhainní is iarratasóir a sholáthar, lena n-áirítear an áit agus an chaoi a ndéanfar na seirbhísí sin a mhargú;

(b) 

tuairisc ar:

(i) 

na sásraí rialaithe inmheánaigh, ar na beartais rialaithe inmheánaigh agus ar na nósanna imeachta rialaithe inmheánaigh chun comhlíonadh fhorálacha an dlí náisiúnta lena dtrasuitear Treoir (AE) 2015/849 a áirithiú;

(ii) 

an creat measúnaithe riosca chun rioscaí sciúrtha airgid agus maoinithe sceimhlitheoireachta a bhainistiú; agus

(iii) 

tuairisc ar an bplean leanúnachais gnó;

(c) 

doiciméadacht theicniúil na gcóras TFC agus na socruithe slándála, agus tuairisc orthu i dteanga neamhtheicniúil;

(d) 

tuairisc ar an nós imeachta chun cripteashócmhainní agus cistí cliant a leithscaradh;

(e) 

tuairisc ar an mbeartas cumhdaigh agus riaracháin, i gcás ina bhfuil sé beartaithe cumhdach agus riar cripteashócmhainní a sholáthar thar ceann cliant;

(f) 

tuairisc ar rialacha oibriúcháin an ardáin trádála agus ar na nósanna imeachta agus ar an gcóras chun drochúsáid margaidh a bhrath, i gcás ina bhfuil sé beartaithe ardán trádála le haghaidh cripteashócmhainní a oibriú;

(g) 

tuairisc ar an mbeartas tráchtála neamh-idirdhealaitheach lena rialaítear an caidreamh le cliaint chomh maith le tuairisc ar an modheolaíocht chun praghas na gcripteashócmhainní atá sé beartaithe acu a mhalartú ar chistí nó ar chripteashócmhainní eile a chinneadh, i gcás ina bhfuil sé beartaithe cripteashócmhainní a mhalartú ar chistí nó cripteashócmhainní eile;

(h) 

tuairisc ar an mbeartas forghníomhúcháin, i gcás ina bhfuil sé beartaithe orduithe le haghaidh cripteashócmhainní a fhorghníomhú thar ceann cliant;

(i) 

fianaise go bhfuil an t-eolas agus an saineolas is gá chun a n-oibleagáidí a chomhlíonadh ag na daoine nádúrtha a thugann comhairle thar ceann an tsoláthraí seirbhísí cripteashócmhainní is iarratasóir nó a bhainistíonn punanna thar ceann an tsoláthraí seirbhísí cripteashócmhainní is iarratasóir, i gcás ina bhfuil sé beartaithe comhairle a thabhairt maidir le cripteashócmhainní nó bainistiú punainne a sholáthar maidir le cripteashócmhainní;

(j) 

an mbaineann an tseirbhís cripteashócmhainní le comharthaí sócmhainn-tagartha, comharthaí ríomh-airgid nó cripteashócmhainní eile.

(k) 

faisnéis maidir leis an mbealach ina soláthrófar seirbhísí aistrithe den sórt sin, i gcás ina bhfuil sé beartaithe seirbhísí aistrithe a sholáthar le haghaidh cripteashócmhainní thar ceann cliant.
Airteagal 60 8.
Déanfaidh údarás inniúil a fhaigheann fógra dá dtagraítear i míreanna 1 go 6 measúnú, laistigh de 20 lá oibre tar éis dó an fógra sin a fháil, i dtaobh ar soláthraíodh an fhaisnéis uile a cheanglaítear. I gcás ina dtagann an t-údarás inniúil ar an tátal nach bhfuil fógra iomlán, cuirfidh sé an méid sin in iúl láithreach don eintiteas a thugann fógra agus socróidh sé spriocdháta faoina gceanglaítear ar an eintiteas sin an fhaisnéis atá in easnamh a sholáthar.

Ní bheidh an spriocdháta chun aon fhaisnéis atá in easnamh a sholáthar níos faide ná 20 lá oibre ó dháta na hiarrata. Go dtí go rachaidh an spriocdháta sin in éag, cuirfear gach tréimhse mar a leagtar amach i míreanna 1 go 6 ar fionraí. Beidh sé de rogha ag an údarás inniúil aon iarrataí breise a dhéanamh ar chomhlánú nó soiléiriú na faisnéise ach ní chuirfear aon tréimhse a leagtar amach i míreanna 1 go 6 ar fionraí dá mbarr.

Ní thosóidh an soláthraí seirbhísí cripteashócmhainní ar na seirbhísí cripteashócmhainní a sholáthar fad is atá an fógra neamhchomhlánaithe.
Airteagal 60 9.
Ní cheanglófar ar na heintitis dá dtagraítear i míreanna 1 go 6 aon fhaisnéis dá dtagraítear i mír 7 a chuir siad faoi bhráid an údaráis inniúil roimhe sin a thíolacadh i gcás ina mbeadh an fhaisnéis sin comhionann. Agus an fhaisnéis dá dtagraítear i mír 7 á tíolacadh, luafaidh na heintitis dá dtagraítear i míreanna 1 go 6 go sainráite go bhfuil aon fhaisnéis a tíolacadh roimhe sin fós cothrom le dáta.
Airteagal 60 10.
I gcás ina soláthraíonn na heintitis dá dtagraítear i míreanna 1 go 6 den Airteagal seo seirbhísí cripteashócmhainní, ní bheidh siad faoi réir Airteagail 62, 63, 64, 67, 83 agus 84.
Airteagal 60 11.
Déanfar an ceart chun seirbhísí cripteashócmhainní a sholáthar dá dtagraítear i míreanna 1 go 6 den Airteagal seo a chúlghairm ar tharraingt siar an údaraithe ábhartha a chuir ar chumas an eintitis faoi seach na seirbhísí cripteashócmhainní a sholáthar gan ceangal a bheith air údarú a fháil de bhun Airteagal 59.
Airteagal 60 12.
Déanfaidh na húdaráis inniúla an fhaisnéis a shonraítear in Airteagal 109(5) a chur in iúl do ESMA, tar éis iomláine na faisnéise dá dtagraítear i mír 7 a fhíorú.

Cuirfidh ESMA faisnéis den sórt sin ar fáil sa chlár dá dtagraítear in Airteagal 109 faoi dháta tosaigh a bheartaítear seirbhísí cripteashócmhainní a sholáthar.
Airteagal 60 13.
Forbróidh ESMA, i ndlúthchomhar le ÚBE, dréachtchaighdeáin theicniúla rialála chun an fhaisnéis dá dtagraítear i mír 7 a shonrú tuilleadh.

Cuirfidh ESMA na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagal 10 go hAirteagal 14 de Rialachán (AE) Uimh. 1095/2010.
Airteagal 60 14.
Forbróidh ESMA, i ndlúthchomhar le ÚBE, dréachtchaighdeáin theicniúla cur chun feidhme le haghaidh foirmeacha caighdeánacha, teimpléid chaighdeánacha agus nósanna imeachta caighdeánacha a bhunú don fhógra de bhun mhír 7.

Cuirfidh ÚBE na dréachtchaighdeáin theicniúla cur chun feidhme dá dtagraítear sa chéad fhomhír faoi bhráid an Choimisiúin faoin 30 Meitheamh 2024.

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír den mhír seo a ghlacadh i gcomhréir le hAirteagal 15 de Rialachán (AE) Uimh. 1095/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin