Airteagal 54 2.

pleananna réitigh a ullmhú, a mheasúnú agus a fhormheas do na heintitis agus do na grúpaí dá dtagraítear in Airteagal 7(2), agus do na heintitis agus do na grúpaí dá dtagraítear in Airteagal 6a(4)(b) agus (5) nuair a bheidh na coinníollacha maidir le cur i bhfeidhm na míreanna sin á gcomhlíonadh, i gcomhréir le hAirteagal 8, Airteagal 10 agus Airteagal 11;

oibleagáidí simplithe a chur i bhfeidhm ar na heintitis agus ar na grúpaí dá dtagraítear in Airteagal 7(2), agus ar na heintits agus ar na grúpaí dá dtagraítear in Airteagal 7(4)(b) agus (5) nuair a bheidh na coinníollacha maidir le cur i bhfeidhm na míreanna sin á gcomhlíonadh, i gcomhréir le hAirteagal 11;

an t-íoschleanglas a chinneadh do chistí dílse agus do dhliteanais incháilithe a chaithfidh na heintitis agus na grúpaí dá dtagraítear in Airteagal 7(2) agus na heintitis agus na grúpaí dá dtagraítear in Airteagal 7(4)(b) agus (5) a chomhlíonadh seasta i gcomhréir le hAirteagal 12 nuair a bheidh na coinníollacha maidir le cur i bhfeidhm na míreanna seo á gcomhlíonadh;

scéim réitigh a chur ar fáil don Choimisiún chomh luath agus is féidir i gcomhréir le hAirteagal 18 lena ngabhfaidh an fhaisnéis ábhartha uile a chuirfidh ar chumas an Choimisiúin in am trátha measúnú agus cinneadh a dhéanamh nó, i gcás inarb iomchuí, cinneadh a mholadh don Chomhairle, de bhun Airteagal 18(7);

cinneadh faoi chuid II de bhuiséad an Bhoird maidir leis an gCiste, i gcomhréir le hAirteagal 60;

comhairliúcháin a dhéanamh i gcomhréir leis an nós imeachta a leagtar amach i mír 2a maidir le treoirlínte, treoracha ginearálta agus aon ionstraimí eile a bhfuil feidhm ghinearálta acu laistigh den Sásra Réitigh Aonair ina leagtar amach an chaoi a bhfuil sé ar intinn ag an mBord an Rialachán seo a chur chun feidhme.