+Airteagal 33 Oibriú an ghnóthais idirlinne
---+Airteagal 33 1
---+Airteagal 33 2
---+Airteagal 33 3
---+Airteagal 33 4

Airteagal 33 Oibriú an ghnóthais idirlinne

1. Forbhreathnú

,
Airteagal 33 1

1.   Áiritheoidh na Ballstáit go n-urramófar na ceanglais seo a leanas agus gnóthas idirlinne á oibriú:

(a)

beidh doiciméid bhunreachtúla an ghnóthais idirlinne formheasta ag an údarás réitigh;

(b)

faoi réir struchtúr úinéireachta an ghnóthais idirlinne, déanfaidh an t-údarás réitigh comhlacht riaracháin, bainistíochta nó maoirseachta an ghnóthais idirlinne a cheapadh nó a fhormheas;

(c)

déanfaidh an t-údarás réitigh luach saothair bhaill an chomhlachta riaracháin, bainistíochta nó maoirseachta a fhormheas agus cinnfidh sé a gcuid freagrachtaí;

(d)

déanfaidh an t-údarás réitigh straitéis agus próifíl riosca an ghnóthais idirlinne a fhormheas;

(e)

tabharfar údarú don ghnóthas idirlinne i gcomhréir le Treoir 2009/138/CE agus beidh an t-údarú is gá aige de réir an dlí náisiúnta is infheidhme chun na gníomhaíochtaí nó na seirbhísí a fhaigheann sí a chur i gcrích de bhua aistrithe a dhéantar de bhun Airteagal 42 den Treoir seo;

(f)

comhlíonfaidh an gnóthas idirlinne ceanglais Threoir 2009/138/CE agus beidh sé faoi réir maoirseachta i gcomhréir le Treoir 2009/138/CE;

(g)

oibreofar an gnóthas idirlinne i gcomhréir le creat Státchabhrach an Aontais agus féadfaidh an t-údarás réitigh srianta ar a cuid oibríochtaí a shonrú dá réir.

D’ainneoin na bhforálacha dá dtagraítear sa chéad fhomhír, pointí (e) agus (f), agus i gcás inar gá chun na cuspóirí réitigh a bhaint amach, féadfar gnóthas idirlinne a bhunú agus a údarú gan Treoir 2009/138/CE a chomhlíonadh ar feadh tréimhse ghairid ag tús a oibrithe. Chuige sin, cuirfidh an t-údarás réitigh iarratas ina leith sin faoi bhráid an údaráis maoirseachta. I gcás ina gcinneann an t-údarás maoirseachta an t-údarú sin a bhronnadh, léireoidh sé an tréimhse dá ndéanfar an gnóthas idirlinne a tharscaoileadh ó cheanglais Threoir 2009/138/CE a chomhlíonadh. Ní bheidh an tréimhse sin níos faide ná 24 mhí.
Airteagal 33 2

2.   Faoi réir aon srian arna fhorchur le rialacha iomaíochta an Aontais nó le rialacha iomaíochta náisiúnta, déanfaidh bainistíocht an ghnóthais idirlinne an gnóthas idirlinne a fheidhmiú chun na cuspóirí réitigh a bhaint amach agus chun an gnóthas faoi réiteach nó na sócmhainní, cearta nó dliteanais aistrithe a dhíol le ceannaitheoir amháin nó níos mó de chuid na hearnála príobháidí a luaithe a bheidh dálaí an mhargaidh iomchuí.
Airteagal 33 3

3.   Cinnfidh na húdaráis réitigh nach gnóthas idirlinne a thuilleadh eintiteas in aon cheann de na cásanna seo a leanas, cibé acu is túisce a tharlaíonn:

(a)

cumascfaidh an gnóthas idirlinne le heintiteas eile;

(b)

scoirfidh an gnóthas idirlinne de cheanglais Airteagal 32(2) a chomhlíonadh;

(c)

díolfar sócmhainní, cearta nó dliteanais uile an ghnóthais idirlinne, nó nach mór iad uile, le ceannaitheoir tríú páirtí;

(d)

déanfar sócmhainní an ghnóthais idirlinne a fhoirceannadh go hiomlán agus déanfar a chuid dliteanas a urscaoileadh go hiomlán.
Airteagal 33 4

4.   Faoi réir Airteagal 26(2) agus (5), bainfidh scairshealbhóirí an ghnóthais idirlinne tairbhe as aon fháltas arna ghiniúint de thoradh ar oibriú an ghnóthais idirlinne a fhoirceannadh.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin