+Airteagal 34 Aistriú chuig scéimeanna ráthaíochta árachais
---+Airteagal 34 1
---+Airteagal 34 2
---+Airteagal 34 3

Airteagal 34 Aistriú chuig scéimeanna ráthaíochta árachais

1. Forbhreathnú

,
Airteagal 34 1

1.   De mhaolú ar Airteagail 32 agus 33, féadfaidh na Ballstáit a fhoráil go sannfar dualgais agus cearta gnóthais idirlinne do scéim ráthaíochta árachais iomchuí. Agus leasanna sealbhóirí polasaí, leanúnachas caidrimh árachais agus socrú éileamh á n-áirithiú, agus á áirithiú freisin go bhfuil cuspóirí na Treorach seo á gcomhlíonadh go leordhóthanach fós, féadfaidh na Ballstáit foráil a dhéanamh maidir leis na nithe seo a leanas a aistriú chuig scéim ráthaíochta árachais den sórt sin:

(a)

na scaireanna nó na hionstraimí úinéireachta eile arna n-eisiúint ag gnóthas amháin nó níos mó atá faoi réiteach; nó

(b)

na sócmhainní, na cearta nó na dliteanais uile, nó aon chuid díobh, atá ag gnóthas amháin nó níos mó faoi réiteach.

Áiritheoidh na húdaráis réitigh nach mó luach iomlán na ndliteanas a aistríodh chuig an scéim ráthaíochta árachais ná luach iomlán na gceart agus na sócmhainní a aistríodh ón ngnóthas faoi réiteach.
Airteagal 34 2

2.   Áiritheoidh na Ballstáit go n-urramóidh scéim ráthaíochta árachais dá sanntar dualgais agus cearta gnóthais idirlinne na ceanglais seo a leanas:

(a)

d’fhormheas an t-údarás réitigh doiciméid bhunreachtúla an ghnóthais idirlinne;

(b)

déanfaidh an t-údarás réitigh luach saothair bhaill an chomhlachta riaracháin, bainistíochta nó maoirseachta a fhormheas agus cinnfidh sé a gcuid freagrachtaí;

(c)

ní dhéanfaidh an gnóthas idirlinne conarthaí árachais nua a thabhairt i gcrích ná ní dhéanfaidh sé conarthaí árachais atá ann cheana a athrú ar shlí a d’fhéadfadh éilimh árachais i gcoinne an ghnóthais idirlinne a mhéadú;

(d)

tá an scéim ráthaíochta árachais faoi réir rialacha agus cuspóirí ginearálta na maoirseachta árachais chun leibhéal leordhóthanach cosanta do shealbhóirí polasaí a áirithiú.

Ní bheidh feidhm ag pointe (b) den chéad fhomhír maidir le scéim ráthaíochta árachais dá sanntar dualgais agus cearta gnóthais idirlinne má dhéantar aon sócmhainní, cearta, dliteanais nó cearta úinéireachta a aistrítear a leithscaradh ó shócmhainní, cearta agus dliteanais eile na scéime ráthaíochta árachais agus mura n-íoctar luach saothair ó na sócmhainní aistrithe.
Airteagal 34 3

3.   Áiritheoidh na Ballstáit go mbeidh cistiú scéime ráthaíochta árachais dá sanntar dualgais agus cearta gnóthais idirlinne leordhóthanach chun leanúint de chaidrimh árachais agus chun socrú éileamh árachais a ráthú.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin