Airteagal 58 1

(a)

socruithe slándála, faoina bhfuil leas iarbhír nó teagmhasach ag duine, trí bhíthin urrúis, sna sócmhainní nó sna cearta atá faoi réir aistriú, gan beann ar pé acu a urraítear an leas sin le sócmhainní sonracha nó le cearta sonracha nó trí bhíthin muirear comhlúthach nó socrú comhchosúil;

(b)

socruithe comhthaobhachta airgeadais aistrithe teidil faoina soláthraítear comhthaobhacht chun feidhmiú oibleagáidí sonraithe a urrú nó a chumhdach trí aistriú úinéireachta iomláine sócmhainní ó sholáthraí na comhthaobhachta chuig an nglacadóir comhthaobhachta, ar théarmaí lena ndéantar foráil maidir le haistriú sócmhainní arna dhéanamh ag an nglacadóir comhthaobhachta i gcás ina gcomhlíontar na hoibleagáidí sonraithe sin;

(c)

socruithe fritháirimh faoina bhféadfar dhá éileamh nó níos mó nó dhá oibleagáid nó níos mó is dlite idir an gnóthas faoi réiteach agus contrapháirtí a fhritháireamh in aghaidh a chéile;

(d)

socruithe glanluachála;

(e)

polasaithe aonadnasctha nó punanna imfhálaithe eile;

(f)

comhaontuithe athárachais;

(g)

socruithe airgeadais struchtúrtha, lena n-áirítear urrúsuithe agus ionstraimí arna n-úsáid chun críoch fálaithe atá mar chuid lárnach den chomhthiomsú cumhdaigh agus a urraítear de réir an dlí náisiúnta agus lena mbaineann deonú agus sealbhú urrúis arna dhéanamh ag páirtí sa socrú nó ag iontaobhaí, ag gníomhaire nó ag ainmní.