IARSCRÍBHINN V Teimpléad do dheimhnithe feidhmíochta fuinnimh

an aicme feidhmíochta fuinnimh;

an úsáid bhliantúil fuinnimh phríomhúil arna ríomh in kWh/(m2.y);

an úsáid bhliantúil fuinnimh deiridh arna ríomh in kWh/(m2.y);

fuinneamh in-athnuaite a tháirgtear ar an láthair i % den úsáid fuinnimh;

astaíochtaí gás ceaptha teasa oibríochtúla (kg CO2/(m2.y)), luach GWP ar feadh saolré, má tá sé ar fáil.

an tomhaltas bliantúil fuinnimh phríomhúil agus deiridh arna ríomh in kWh nó MWh;

táirgeadh fuinnimh in-athnuaite in kWh nó MWh; príomhiompróir fuinnimh agus cineál foinse fuinnimh in-athnuaite;

na riachtanais fuinnimh arna ríomh in kWh/(m2.y);

tugtar le fios an bhfuil nó nach bhfuil sé d’acmhainneacht ag an bhfoirgneamh freagairt do chomharthaí seachtracha agus an tomhaltas fuinnimh a choigeartú;

tugtar le fios an bhfuil nó nach bhfuil an córas dáileacháin teasa laistigh den fhoirgneamh in ann feidhmiú ar leibhéil ísealteochta nó ar leibhéil teochta níos éifeachtaí, i gcás inarb infheidhme;

faisnéis teagmhála an ionaid ilfhreastail ábhartha le haghaidh comhairle maidir le hathchóiriú.

úsáid fuinnimh, buaiclód, méid an ghineadóra nó an chórais, an príomhiompróir fuinnimh agus an príomhchineál eiliminte i gcás gach ceann de na húsáidí: téamh, fuarú, uisce te tí, aerú agus soilsiú ionsuite;

an aicme astaíochtaí gás ceaptha teasa (más infheidhme);

faisnéis faoi aistrithe carbóin a bhaineann le stóráil shealadach carbóin i bhfoirgnimh nó ar fhoirgnimh;

tugtar le fios an bhfuil nó nach bhfuil pas athchóirithe ar fáil don fhoirgneamh;

meánluach U na n-eilimintí teimhneacha den imchlúdach foirgnimh;

meánluach U na n-eilimintí trédhearcacha den imchlúdach foirgnimh;

an cineál eiliminte trédhearcaí is coitianta (e.g. fuinneog dhéghloinithe);

torthaí na hanailíse ar an riosca róthéimh (má tá siad ar fáil);

braiteoirí seasta a bheith ann a dhéanann faireachán ar cháilíocht na timpeallachta laistigh;

rialuithe seasta a bheith ann a fhreagraíonn do leibhéil cháilíocht na timpeallachta laistigh;

líon agus cineál na bpointí athluchtaithe le haghaidh feithiclí leictreacha;

córais stórála fuinnimh a bheith ann, cineál agus méid na gcóras sin;

saolré measta na gcóras agus na bhfearas téimh nó aerchóirithe atá fágtha, i gcás inarb infheidhme;

a indéanta atá sé an córas téimh a chur in oiriúint chun feidhmiú ag socruithe teochta níos éifeachtaí;

a indéanta atá sé an córas uisce the tí a oiriúnú le go bhfeidhmeoidh sé ag socruithe teochta níos éifeachtúla;

a indéanta atá sé an córas aerchóirithe a oiriúnú le go bhfeidhmeoidh sé ag socruithe teochta níos éifeachtúla;

tomhaltas fuinnimh mhéadraithe;

cibé acu atá nó nach bhfuil nasc ann le gréasán téimh agus fuaraithe ceantair, agus, má tá fáil air, faisnéis faoi nasc féideartha chuig córas éifeachtúil téimh agus fuaraithe ceantair;

fachtóirí fuinnimh phríomhúil áitiúla agus fachtóirí gaolmhara astaíochta carbóin an ghréasáin nasctha áitiúil téimh agus fuaraithe ceantair;

astaíochtaí mínábhair cháithnínigh (PM2.5) oibríochtúla.

an ndearnadh nó nach ndearnadh measúnú ullmhachta cliste don fhoirgneamh;

i gcás ina bhfuil sé ar fáil, luach an mheasúnaithe ullmhachta cliste;

an bhfuil nó nach bhfuil Logleabhar Digiteach Foirgneamh ar fáil don fhoirgneamh.