Airteagal 56 Allmhairí ó thíortha nó críocha thar lear

I gcás ina ndéantar dramhaíl a allmhairiú isteach san Aontas ó thíortha nó críocha thar lear, beidh feidhm mutatis mutandis ag Teideal II.

Féadfaidh tír nó críoch thar lear agus an Ballstát lena bhfuil sé nasctha nósanna imeachta náisiúnta an Bhallstáit sin a chur i bhfeidhm i leith loingsithe ó thír nó críoch thar lear chuig an mBallstát sin sa chás nach bhfuil aon tír eile i gceist sa loingsiú mar thír idirthurais. I gcás ina gcuireann Ballstát nósanna imeachta náisiúnta i bhfeidhm maidir le loingsithe den sórt sin, tabharfaidh sé fógra don Choimisiún faoi.