1. De bhun Airteagal 24 de Rialachán (AE) 2017/1939, tuairisceoidh gach FIU gan moill mhíchuí do OIPE torthaí a chuid anailísí agus aon fhaisnéis ábhartha bhreise i gcás ina bhfuil forais réasúnacha ann le bheith in amhras go bhfuil sciúradh airgid agus gníomhaíocht choiriúil eile á ndéanamh nó déanta a bhféadfadh OIPE a inniúlacht a fheidhmiú ina leith i gcomhréir le hAirteagal 22 agus Airteagal 25(2) agus (3) den Rialachán sin.
Faoin .10 Iúil 2026, forbróidh AMLA, i gcomhairle le OIPE, dréachtchaighdeáin theicniúla cur chun feidhme agus cuirfidh sé faoi bhráid an Choimisiúin lena nglacadh iad. Sonrófar sna dréachtchaighdeáin theicniúla cur chun feidhme sin an fhormáid atá le húsáid ag FIUnna chun faisnéis thuairisciú chuig OIPE.
Tugtar an chumhacht don Choimisiún na caighdeáin theicniúla cur chun feidhme dá dtagraítear sa dara fomhír den mhír seo a ghlacadh i gcomhréir le hAirteagal 53 de Rialachán (AE) 2024/1620.