4.1 Żvilupp tal - istrateġija tal -NPE

L- istituzzjonijiet ta’ kreditu għandhom jistabbilixxu strateġija ta’ NPE li timmira għal tnaqqis marbut biż - żmien tal - NPEs fuq perjodu ta’ żmien realistiku iżda ambizzjuż b’mod suffiċjenti (miri ta’ tnaqqis tal - NPE). L - istrateġija tal - NPE għandha tistabbilixxi l - approċċ u l - objettivi tal - istituzzjoni ta’ kreditu rigward ġestjoni effettiva biex jiġu massimizzati l - irkupri u, fl - aħħar nett, tnaqqis fl - istokks tal - NPE b’mod ċar, kredibbli u fattibbli għal kull portafoll rilevanti. Meta jiżviluppaw u jimplimentaw l - istrateġija tal - NPE għal portafolli fil - livell tal - konsumatur, l - istituzzjonijiet ta’ kreditu għandhom jikkunsidraw dispożizzjonijiet immirati biex jipproteġu lill - konsumaturi, inkluża d - Direttiva 2014/17/UE⁷ , id - Direttiva 2008/48/KE⁸ u l - Linji Gwida tal - EBA dwar l - arretrati u l - preklużjoni.⁹

⁷ Id - Direttiva 2014/17/UE tal - Parlament Ewropew u tal - Kunsill tal - 4 ta’ Frar 2014 dwar kuntratti ta’ kreditu għall - konsumaturi marbutin ma’ proprjetà immobbli residenzjali u li temenda d - Direttivi 2008/48/KE u 2013/36/UE u r - Regolament (UE) Nru 1093/2010 (ĠU L 60, 28.2.2014, p. 34).

⁸ Id - Direttiva 2008/48/KE tal - Parlament Ewropew u tal - Kunsill tat - 23 ta’ April 2008 dwar ftehim ta’ kreditu għall - konsumatur u li tħassar id - Direttiva tal - Kunsill 87/102/KEE (ĠU L 133, 22.5.2008, p. 66).

⁹ Linji gwida dwar l - arretrati u l - preklużjoni (EBA/GL/2015/12).

Il - passi li ġejjin għandhom jiffurmaw l - elementi ewlenin tal - iżvilupp u l - implimentazzjoni tal - istrateġija tal - NPE:

• a) valutazzjoni tal - ambjent operattiv u l - kundizzjonijiet esterni (ara t - taqsima 4.2);
• b) żvilupp tal - istrateġija tal - NPE fuq orizzonti ta’ żmien qosra, medji u fit - tul (ara t - taqsima 4.3);
• c) implimentazzjoni tal - pjan operazzjonali (ara t - taqsima 4.4);
• d) jintegra bis - sħiħ l - istrateġija tal - NPE fil - proċessi ta’ ġestjoni tal - istituzzjoni ta’ kreditu, inkluż rieżami regolari u monitoraġġ indipendenti (ara t - taqsima 4.5).

Meta l - istituzzjonijiet ta’ kreditu jiżviluppaw l - istrateġija NPE tagħhom, huma għandhom jikkunsidraw ukoll politiki li għandhom l - għan li jiżguraw trattament ġust tal - mutwatarji.