+Artikolu 314 Indikatur tan-negozju
---+Artikolu 314 1.
---+Artikolu 314 2.
---+Artikolu 314 3.
---+Artikolu 314 4.
---+Artikolu 314 5.
---+Artikolu 314 6.
---+Artikolu 314 7.
---+Artikolu 314 8.
---+Artikolu 314 9.
---+Artikolu 314 10.
|
Artikolu 314 Indikatur tan-negozju
-
1. Ħarsa ġenerali
| Titlu |
Regolamentazzjoni |
|
Artikolu 314 1.
|
L-istituzzjonijiet għandhom jikkalkulaw l-indikatur tan-negozju tagħhom f'konformità mal-formula li ġejja:
BI = ILDC + SC + FC
fejn:
|
BI
|
= l-indikatur tan-negozju, espress f'biljuni ta' euro;
|
|
ILDC
|
= il-komponent tal-imgħax, tal-kiri u tad-dividendi, espress f'biljuni ta' euro u kkalkulat f'konformità mal-paragrafu 2;
|
|
SC
|
= il-komponent tas-servizzi, espress f'biljuni ta' euro u kkalkulat f'konformità mal-paragrafu 5;
|
|
FC
|
= il-komponent finanzjarju, espress f'biljuni ta' euro u kkalkulat f'konformità mal-paragrafu 6.
|
|
|
Artikolu 314 2.
|
Għall-finijiet tal-paragrafu 1, il-komponent tal-imgħax, tal-kiri u tad-dividendi għandu jiġi kkalkulati f'konformità mal-formula li ġejja:
fejn:
|
ILDC
|
= il-komponent tal-imgħax, tal-kiri u tad-dividendi;
|
|
IC
|
= il-komponent tal-imgħax, li huwa l-introjtu mill-imgħax tal-istituzzjoni mill-assi finanzjarji kollha u minn introjtu ieħor mill-imgħax, inkluż introjtu finanzjarju minn kiri finanzjarju u introjtu minn kiri operattiv u profitti minn assi mikrija, nieqes l-ispejjeż tal-imgħax tal-istituzzjoni mill-obbligazzjonijiet finanzjarji kollha u spejjeż oħrajn tal-imgħax, inkluż l-ispiża tal-imgħax minn kiri finanzjarju u operattiv, id-deprezzament u l-indeboliment ta', u t-telf minn, assi mikrija operattivi, ikkalkulati bħala l-medja annwali tal-valuri assoluti tad-differenzi matul l-aħħar tliet snin finanzjarji;
|
|
AC
|
= il-komponent tal-assi, li huwa s-somma tas-self pendenti gross totali tal-istituzzjoni, tal-avvanzi, tat-titoli li jġorru l-imgħax, inkluż bonds tal-gvern, u assi ta' kiri, ikkalkulata bħala l-medja annwali fuq l-aħħar tliet snin finanzjarji fuq il-bażi tal-ammonti fi tmiem kull waħda mis-snin finanzjarji rispettivi;
|
|
DC
|
= il-komponent tad-dividendi, li huwa l-introjtu mid-dividendi tal-istituzzjoni minn investimenti fi stokks u f'fondi mhux konsolidati fid-dikjarazzjonijiet finanzjarji tal-istituzzjoni, inkluż l-introjtu mid-dividendi minn sussidjarji mhux konsolidati, minn kumpaniji assoċjati u minn impriżi konġunti, ikkalkulat bħala l-medja annwali fuq l-aħħar tliet snin finanzjarji.
|
|
|
Artikolu 314 3.
|
B'deroga mill-paragrafu 2, istituzzjoni prinċipali tal-UE tista', sal-31 ta' Diċembru 2027, titlob permess mis-superviżur tal-konsolidazzjoni tagħha sabiex tikkalkula il-komponent tal-imgħax, tal-kiri u tad-dividendi separati għal kwalunkwe waħda mill-istituzzjonijiet sussidjarji speċifiċi tagħha u sabiex iżżid l-eżitu ta' dak il-kalkolu mal-imgħax, il-kirjiet u l-komponent tad-dividendi kkalkulat, fuq bażi konsolidata, għall-entitajiet l-oħra tal-grupp meta jiġu ssodisfati l-kundizzjonijiet kollha li ġejjin:
(a)
l-attivitajiet ta' servizzi bankarji għall-konsumatur jew kummerċjali tas-sussidjarji jirrappreżentaw il-maġġoranza tal-attività tagħhom;
(b)
proporzjon sinifikanti mill-attivitajiet ta' servizzi bankarji għall-konsumatur jew kummerċjali tas-sussidjarji jinkludu self assoċjat bi probabbiltà għolja ta' inadempjenza;
(c)
l-użu tad-deroga jipprovdi bażi xierqa għall-kalkolu tar-rekwiżit ta' fondi proprji tal-istituzzjoni prinċipali tal-UE għar-riskju operazzjonali.
Ladarba jingħata, il-permess, u l-kundizzjonijiet tiegħu, għandhom jiġu vvalutati mill-ġdid mis-superviżur tal-konsolidazzjoni kull sentejn. Is-superviżur tal-konsolidazzjoni għandu jinnotifika lill-EBA hekk kif tali permess jingħata, jiġi kkonfermat jew irtirat. Sal-31 ta' Diċembru 2031, l-EBA għandha tirrapporta lill-Kummissjoni dwar l-użu u l-adegwatezza tad-deroga msemmija fl-ewwel subparagrafu filwaqt li tqis, b'mod partikolari, il-mudelli ta' negozju speċifiċi kkonċernati u l-adegwatezza tar-rekwiżit relatat ta' fondi proprji għar-riskju operazzjonali. Fuq il-bażi ta' dak ir-rapport u filwaqt li jitqiesu kif xieraq l-istandards relatati miftiehma internazzjonalment żviluppati mill-BCBS, il-Kummissjoni għandha, fejn xieraq, tippreżenta lill-Parlament Ewropew u lill-Kunsill proposta leġiżlattiva sal-31 ta' Diċembru 2032.
|
|
Artikolu 314 4.
|
Sal-31 ta' Diċembru 2027 jew sakemm is-superviżur tal-konsolidazzjoni jagħti permess f'konformità mal-paragrafu 3, skont liema jiġi l-ewwel, istituzzjoni prinċipali tal-UE li tkun ingħatat permess biex tapplika l-approċċ standardizzat alternattiv għal-linji tan-negozju tagħha ta' servizzi bankarji għall-konsumatur u servizzi bankarji kummerċjali biex tikkalkula r-rekwiżit ta' fondi proprji tagħha għar-riskju operazzjonali tista', wara li tkun infurmat lis-superviżur tal-konsolidazzjoni tagħha, tkompli tuża l-approċċ standardizzat alternattiv kif stabbilit fil-verżjoni ta’ dan ir-Regolament applikabbli fit-8 ta’ Lulju 2024 għall-fini tal-kalkolu tar-rekwiżiti ta' fondi proprji għar-riskju operazzjonali relatati ma' dawk iż-żewġ linji tan-negozju u skont il-kamp ta' applikazzjoni tal-permess eżistenti.
|
|
Artikolu 314 5.
|
Għall-finijiet tal-paragrafu 1, il-komponent tas-servizzi għandu jiġi kkalkulat f'konformità mal-formula li ġejja:
SC = max (OI, OE) + max (FI, FE)
fejn:
|
SC
|
= il-komponent tas-servizzi;
|
|
OI
|
= l-introjtu operatorju l-ieħor, li huwa l-medja annwali matul l-aħħar tliet snin finanzjarji tal-introjtu tal-istituzzjoni minn operazzjonijiet bankarji ordinarji mhux inklużi f'elementi oħrajn tal-indikatur tan-negozju iżda ta' natura simili;
|
|
OE
|
= l-ispejjeż operatorji l-oħrajn, li huma l-medja annwali matul l-aħħar tliet snin finanzjarji tal-ispejjeż u tat-telf tal-istituzzjoni minn operazzjonijiet bankarji ordinarji mhux inklużi f'elementi oħrajn tal-indikatur tan-negozju iżda ta' natura simili, u minn avvenimenti ta' riskju operazzjonali;
|
|
FI
|
= il-komponent tal-introjtu mit-tariffi u mill-kummissjoni, li huwa l-medja annwali matul l-aħħar tliet snin finanzjarji tal-introjtu tal-istituzzjoni riċevut mill-għoti ta' pariri u ta' servizzi, inkluż l-introjtu riċevut mill-istituzzjoni bħala esternalizzatur tas-servizzi finanzjarji;
|
|
FE
|
= il-komponent tal-ispejjeż tat-tariffi u tal-kummissjoni, li huwa l-medja annwali matul l-aħħar tliet snin finanzjarji tal-ispejjeż tal-istituzzjoni mħallsa biex tirċievi pariri u servizzi, inkluż it-tariffi tal-esternalizzazzjoni mħallsin mill-istituzzjoni għall-provvista ta' servizzi finanzjarji, iżda esklużi t-tariffi tal-esternalizzazzjoni mħallsin għall-provvista ta' servizzi mhux finanzjarji.
|
Soġġett għall-permess minn qabel tal-awtorità kompetenti, u sal-punt li l-iskema ta' protezzjoni istituzzjonali jkollha għad-dispożizzjoni tagħha sistemi xierqa u stabbiliti b'mod uniformi għall-monitoraġġ u l-klassifikazzjoni ta' riskji operazzjonali, l-istituzzjonijiet li huma membri ta' skema ta' protezzjoni istituzzjonali li tissodisfa r-rekwiżiti tal-Artikolu 113(7) jistgħu jikkalkulaw il-komponent tas-servizzi nett minn kwalunkwe introjtu riċevut minn jew spejjeż imħallsa lill-istituzzjonijiet, li huma membri tal-istess skema ta' protezzjoni istituzzjonali. Kwalunkwe telf li jirriżulta mir-riskji operazzjonali relatati huwa soġġett għal mutwalizzazzjoni fost il-membri tal-iskema ta' protezzjoni istituzzjonali.
|
|
Artikolu 314 6.
|
Għall-finijiet tal-paragrafu 1, il-komponent finanzjarju għandu jiġi kkalkuolat f'konformità mal-formula li ġejja:
FC = TC + BC
fejn:
|
FC
|
= il-komponent finanzjarju;
|
|
TC
|
= il-komponent tal-portafoll tan-negozjar, li huwa l-medja annwali tal-valuri assoluti matul l-aħħar tliet snin finanzjarji tal-profitt jew telf nett, kif applikabbli, fuq il-portafoll tan-negozjar tal-istituzzjoni, iddeterminat bħala xieraq jew f'konformità mal-istandards kontablilistiċi jew f'konformità mal-Parti Tlieta, it-Titolu I, il-Kapitolu 3, inkluż mill-assi tan-negozjar u fuq l-obbligazzjonijiet tan-negozjar, mill-kontabilità għall-iħħeġġjar, u mid-differenzi tal-kambju;
|
|
BC
|
= il-komponent tal-portafoll bankarju, li huwa l-medja annwali tal-valuri assoluti matul l-aħħar tliet snin finanzjarji tal-profitt jew telf nett, kif applikabbli, fuq il-portafoll mhux tan-negozjar tal-istituzzjoni, inkluż minn assi u obbligazzjonijiet finanzjarji mkejlin fuq il-bażi tal-valur ġust permezz ta' profitt u telf, mill-kontabilità għall-iħħeġġjar, minn differenzi tal-kambju, u minn qligħ u t-telf realizzat fuq l-assi u fuq l-obbligazzjonijiet finanzjarji mhux imkejlin fuq il-bażi tal-valur ġust permezz ta' profitt u telf.
|
|
|
Artikolu 314 7.
|
L-istituzzjonijiet ma għandhom jużaw l-ebda wieħed mill-elementi li ġejjin fil-kalkolu tal-indikatur tan-negozju tagħhom:
(a)
introjtu u spejjeż minn negozju tal-assigurazzjoni jew tar-riassigurazzjoni;
(b)
primjums imħallsin u pagamenti riċevuti minn poloz tal-assigurazzjoni jew tar-riassigurazzjoni mixtrija;
(c)
l-ispejjeż amministrattivi, inklużi l-ispejjeż tal-persunal, it-tariffi tal-esternalizzazzjoni mħallsin għall-provvista ta' servizzi mhux finanzjarji, u spejjeż amministrattivi oħrajn;
(d)
l-irkupru tal-ispejjeż amministrattivi inkluż l-irkupru tal-pagamenti f'isem il-klijenti;
(e)
l-ispejjeż tal-bini u tal-assi fissi, ħlief meta dawk l-ispejjeż jirriżultaw minn avvenimenti ta' riskju operazzjonali;
(f)
id-deprezzament tal-assi tanġibbli u tal-amortizzament tal-assi intanġibbli, ħlief id-deprezzament relatat mal-assi tal-kiri operattiv, li għandu jiġi inkluż fl-ispejjeż tal-kiri finanzjarju u operattiv;
(g)
provvedimenti u treġġigħ lura ta' provvedimenti, ħlief meta dawk id-dispożizzjonijiet ikunu relatati ma' avvenimenti ta' riskju operazzjonali;
(h)
spejjeż dovuti għal kapital azzjonarju ripagabbli fuq talba;
(i)
indeboliment u treġġigħ lura tal-indeboliment;
(j)
bidliet fl-avvjament negattiv rikonoxxut fil-profitt jew telf;
|
|
Artikolu 314 8.
|
Meta istituzzjoni tkun ilha topera għal inqas minn tliet snin, hija għandha tuża stimi tan-negozju li jħarsu 'l quddiem fil-kalkolu tal-komponenti rilevanti tal-indikatur tan-negozju tagħha, soġġett għas-sodisfazzjon tal-awtorità kompetenti tagħha. L-istituzzjoni għandha tibda tuża data storika hekk kif dik id-data tkun disponibbli.
|
|
Artikolu 314 9.
|
L-EBA għandha tiżviluppa abbozzi ta' standards tekniċi regolatorji sabiex tispeċifika dan li ġej:
(a)
il-komponenti tal-indikatur tan-negozju, u l-użu tagħhom, billi jiġu żviluppati listi ta' subelementi tipiċi, filwaqt li jitqiesu l-istandards regolatorji internazzjonali u, fejn xieraq, il-limitu prudenzjali definit fil-Parti Tlieta, it-Titolu I, il-Kapitolu 3;
(b)
l-elementi elenkati fil-paragrafu 7 ta' dan l-Artikolu.
L-EBA għandha tippreżenta dawk l-abbozzi ta' standards tekniċi regolatorji lill-Kummissjoni sal-10 ta’ Jannar 2026. Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta' dan il-paragrafu f'konformità mal-Artikoli 10 sa 14 tar-Regolament (UE) Nru 1093/2010.
|
|
Artikolu 314 10.
|
L-EBA għandha tiżviluppa abbozzi ta' standards tekniċi ta' implimentazzjoni sabiex tispeċifika l-elementi tal-indikatur tan-negozju billi tikklassifika dawk l-elementi maċ-ċelloli ta' rapportar korrispondenti stabbiliti fir-Regolament ta' Implimentazzjoni tal-Kummissjoni (UE) 2021/451 (
33
), fejn xieraq. L-EBA għandha tippreżenta dawk l-abbozzi ta' standards tekniċi ta' implimentazzjoni lill-Kummissjoni sal-10 ta’ Jannar 2026. Il-Kummissjoni tingħata s-setgħa sabiex tadotta l-istandards tekniċi ta' implimentazzjoni msemmija fl-ewwel subparagrafu ta' dan il-paragrafu f'konformità mal-Artikolu 15 tar-Regolament (UE) Nru 1093/2010.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 01.01.2027 00:00:00 -Doknr: CELEX:32013R0575
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|