+Artikolu 434 Mezzi ta' divulgazzjonijiet
---+Artikolu 434 1.
---+Artikolu 434 2.
---+Artikolu 434 3.
---+Artikolu 434 4.
---+Artikolu 434 5.
---+Artikolu 434 6.

Artikolu 434 Mezzi ta' divulgazzjonijiet

-

1. Ħarsa ġenerali

,
Artikolu 434 1.
Istituzzjonijiet li mhumiex istituzzjonijiet żgħar u mhux kumplessi għandhom jippreżentaw l-informazzjoni kollha meħtieġa skont it-Titoli II u III f'format elettroniku lill-EBA mhux aktar tard mid-data li fiha jippubblikaw id-dikjarazzjonijiet finanzjarji jew ir-rapporti finanzjarji tagħhom għall-perjodu korrispondenti, fejn applikabbli, jew mill-aktar fis wara dik id-data. L-EBA għandha tippubblika dik l-informazzjoni, flimkien mad-data tal-preżentazzjoni tagħha, fuq is-sit web tagħha.

L-EBA għandha tiżgura li d-divulgazzjonijiet li jsiru fuq is-sit web tagħha jkun fihom informazzjoni identika għal dik li l-istituzzjonijiet ikunu ppreżentaw lill-EBA. L-istituzzjonijiet għandu jkollhom id-dritt li jippreżentaw l-informazzjoni mill-ġdid lill-EBA f'konformità mal-istandards tekniċi msemmija fl-Artikolu 434a. L-EBA għandha tagħmel disponibbli fuq is-sit web tagħha d-data meta tkun saret il-preżentazzjoni mill-ġdid.

L-EBA għandha tħejji u żżomm aġġornata għodda li tispeċifika l-immappjar tal-mudelli u t-tabelli għad-divulgazzjonijiet ma' dawk dwar ir-rapportar superviżorju. L-għodda ta' mmappjar għandha tkun aċċessibbli għall-pubbliku fuq is-sit web tal-EBA.

L-istituzzjonijiet jistgħu jkomplu jippubblikaw dokument awtonomu li jipprovdi sors faċilment aċċessibbli ta' informazzjoni prudenzjali għall-utenti ta' dik l-informazzjoni jew taqsima distintiva inkluża fid-dikjarazzjonijiet finanzjarji jew fir-rapporti finanzjarji tal-istituzzjonijiet, jew mehmuża magħhom, li jkun fihom id-divulgazzjonijiet meħtieġa u jkunu faċilment identifikabbli għal dawk l-utenti. L-istituzzjonijiet jistgħu jinkludu fis-sit web tagħhom ħolqa għas-sit web tal-EBA fejn l-informazzjoni prudenzjali tiġi ppubblikata b'mod ċentralizzat.
Artikolu 434 2.
Istituzzjonijiet li mhumiex istituzzjonijiet żgħar u mhux kumplessi għandhom jippreżentaw id-divulgazzjonijiet meħtieġa skont l-Artikoli 433a u 433c f'format elettroniku lill-EBA mhux aktar tard mid-data li fiha jippubblikaw id-dikjarazzjonijiet finanzjarji jew ir-rapporti finanzjarji tagħhom għall-perjodu korrispondenti, jew mill-aktar fis wara dik id-data. Jekk ir-rapporti finanzjarji jiġu ppubblikati qabel il-preżentazzjoni tal-informazzjoni f'konformità mal-Artikolu 430 għall-istess perjodu, id-divulgazzjonijiet jistgħu jiġu ppreżentati fl-istess data tar-rapportar superviżorju jew mill-aktar fis wara dik id-data. Jekk ikun meħtieġ li d-divulgazzjoni ssir għal perjodu meta istituzzjoni ma tħejji l-ebda rapport finanzjarju, l-istituzzjoni għandha tippreżenta lill-EBA l-informazzjoni dwar id-divulgazzjonijiet mill-aktar fis wara tmiem dak il-perjodu.
Artikolu 434 3.
B'deroga mill-paragrafi 1 u 2 ta' dan l-Artikolu, l-istituzzjonijiet jistgħu jippreżentaw lill-EBA l-informazzjoni meħtieġa skont l-Artikolu 450 separatament mill-informazzjoni l-oħra meħtieġa skont it-Titoli II u III mhux aktar tard minn xahrejn wara d-data li fiha l-istituzzjonijiet jippubblikaw id-dikjarazzjonijiet finanzjarji tagħhom għas-sena korrispondenti.
Artikolu 434 4.
L-EBA għandha tippubblika fuq is-sit web tagħha d-divulgazzjonijiet ta' istituzzjonijiet żgħar u mhux kumplessi abbażi tal-informazzjoni rrapportata minn dawk l-istituzzjonijiet lill-awtoritajiet kompetenti f'konformità mal-Artikolu 430.
Artikolu 434 5.
Is-sjieda tad-data u r-responsabbiltà għall-preċiżjoni tagħha għandhom jibqgħu f'idejn l-istituzzjonijiet li jipproduċuha. L-EBA għandha tipprovdi punt ta' aċċess uniku għad-divulgazzjonijiet tal-istituzzjonijiet u għandha tagħmel disponibbli fuq is-sit web tagħha arkivju tal-informazzjoni meħtieġa li għandha tiġi ddivulgata f'konformità ma' din il-Parti. Dak l-arkivju għandu jinżamm aċċessibbli għal perjodu li m'għandux ikun iqsar mill-perjodu ta' ħżin stabbilit mil-liġi nazzjonali għall-informazzjoni inkluża fir-rapporti finanzjarji tal-istituzzjonijiet.
Artikolu 434 6.
L-EBA għandha timmonitorja n-numru ta' żjarat fil-punt ta' aċċess uniku tagħha għad-divulgazzjonijiet tal-istituzzjonijiet u tinkludi l-istatistika relatata fir-rapporti annwali tagħha.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 01.01.2027 00:00:00 -Doknr: CELEX:32013R0575
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.