Artikolu 95 Emenda għar-Regolament (UE) Nru 600/2014

“Jekk il-Kummissjoni tivvaluta li ma hemmx bżonn li d-derivati nnegozjati fil-borża jiġu esklużi mill-ambitu tal-Artikoli 35 u 36 skont l-Artikolu 52(12), CCP jew ċentru tan-negozjar jistgħu, qabel il-11 ta’ Frar 2021, japplikaw mal-awtorità kompetenti tagħha għal permess biex jagħmlu użu minn arranġamenti tranżitorji. L-awtorità kompetenti, filwaqt li tqis ir-riskji li jirriżultaw mill-applikazzjoni tad-drittijiet ta’ aċċess skont l-Artikolu 35 jew 36 fir-rigward tad-derivati negozjati fil-borża għall-funzjonament b’mod ordnat tas-CCP jew taċ-ċentru tan-negozjar rilevanti, tista’ tiddeċiedi li l-Artikolu 35 jew 36 ma japplikax għas-CCP jew għaċ-ċentru tan-negozjar rilevanti, rispettivament, fir-rigward ta’ derivati negozjati fil-borża, għal perijodu tranżitorju sat-3 ta’ Lulju 2021. Fejn jiġi approvat perijodu tranżitorju bħal dan, is-CCP jew iċ-ċentru tan-negozjar ma għandhomx jibbenefikaw mid-drittijiet ta’ aċċess skont l-Artikolu 35 jew 36, fir-rigward ta’ derivati nnegozjati fil-borża matul id-durata ta’ dak il-perijodu. L-awtorità kompetenti għandha tinnotifika lill-ESMA u fil-każ ta’ CCP, lill-kulleġġ tal-awtoritajiet kompetenti għal dik is-CCP, meta jiġi approvat perijodu tranżitorju.”.