Artikolu 7 Kundizzjonijiet li f’konformità magħhom għandha titwettaq il-konsolidazzjoni f’każijiet fejn sussidjarja jew impriża li fiha istituzzjoni jkollha parteċipazzjoni ma tkunx istituzzjoni, istituzzjoni finanzjarja jew impriża ta’ servizzi anċillari

1.   Awtorità kompetenti tista’ tirrikjedi l-konsolidazzjoni sħiħa jew proporzjonali ta’ sussidjarja jew impriża li fiha istituzzjoni jkollha parteċipazzjoni meta din is-sussidjarja jew impriża ma tkunx istituzzjoni, istituzzjoni finanzjarja jew impriża ta’ servizzi anċillari skont l-Artikolu 18(8) tar-Regolament (UE) Nru 575/2013, dment li din twettaq valutazzjoni li tivverifika li l-kundizzjoni stabbilita fil-punt (b) tal-Artikolu 18(8) tar-Regolament (UE) Nru 575/2013 qed tiġi ssodisfata. Għal dan il-fini, għandu japplika l-Artikolu 4(2) u (3) ta’ dan ir-Regolament.

2.   L-awtoritajiet kompetenti jistgħu, b’mod partikolari, jirrikjedu konsolidazzjoni sħiħa tas-sussidjarja jew tal-impriża msemmija fil-paragrafu 1 meta, bħala konsegwenza tar-relazzjonijiet organizzazzjonali u finanzjarji bejn l-istituzzjoni u s-sussidjarja jew l-impriża kkonċernata, l-istituzzjoni tkun esposta għall-maġġoranza tar-riskji jew tal-benefiċċji li jirriżultaw mill-attivitajiet rilevanti ta’ din is-sussidjarja jew l-impriża.

3.   L-awtoritajiet kompetenti jistgħu b’mod partikolari jirrikjedu konsolidazzjoni proporzjonali ta’ impriża msemmija fil-paragrafu 1 skont l-azzjoni tal-kapital miżmuma f’din l-impriża meta tiġi ssodisfata waħda mill-kundizzjonijiet li ġejjin: