Artikolu 14 Valutazzjoni tal-adegwatezza tal-limiti ta’ negozjar

l-istituzzjoni għandhiex diżaggregazzjoni ċara tal-limiti ta’ negozjar li hija konsistenti mal-livell aċċettabbli ta’ riskju stabbilit mill-istituzzjoni u mal-baġit ta’ kull post tan-negozjar;

l-għażla tal-limiti ta’ negozjar tirriflettix l-istrateġija tan-negozjar tal-post tan-negozjar u n-natura tar-riskji sottostanti;

il-limiti ta’ negozjar jinkludux dawn li ġejjin:

l-istituzzjoni għandhiex diżaggregazzjoni ulterjuri fil-limiti tal-valur fir-riskju, proporzjonali għall-istrateġiji tan-negozjar tal-istituzzjoni;

il-limiti interni kollha, inklużi dawk imsemmijin fil-punt (c), ikunux iddokumentati kif xieraq u approvati formalment;

bħala parti mill-proċess tal-approvazzjoni u tal-aġġornament tal-limitu, l-unità ta’ kontroll tar-riskji tivvaluta u tiddokumenta l-konsistenza u l-kompatibbiltà bejn il-limiti tal-valur fir-riskju approvati mill-korp maniġerjali u l-bqija tal-limiti interni mhux ibbażati fuq il-valur fir-riskju, inklużi s-sensittivitajiet jew l-iskattatur tat-telf;

l-istituzzjoni tiddokumentax kif xieraq u tapprovax formalment inventarju ta’ strumenti awtorizzati u ta’ pożizzjonijiet tar-riskju sottostanti li jistgħu jidħlu fihom in-negozjanti.

Għall-finijiet tal-punt (c)(i), il-limitu tal-valur fir-riskju għandu jkun is-somma tal-limiti individwali tal-valur fir-riskju meta l-permess għall-użu tal-approċċ ta’ mudell intern, kif imsemmi fl-Artikolu 325(1), il-punt (b), tar-Regolament (UE) Nru 575/2013, ma jkunx ingħata.