4. L-Istati Membri għandhom jiżguraw li s-superviżuri finanzjarji jikkooperaw mal-awtoritajiet ta' riżoluzzjoni kif definit fl-Artikolu 2(1), il-punt (18), tad-Direttiva 2014/59/UE jew mal-awtoritajiet deżinjati kif definit fl-Artikolu 2(1), il-punt (18) tad-Direttiva 2014/49/UE.
Is-superviżuri finanzjarji għandhom jinfurmaw lill-awtoritajiet imsemmija fl-ewwel subparagrafu fejn, fl-eżerċizzju tal-attivitajiet superviżorji tagħhom, jidentifikaw, għal raġunijiet ta' AML/CFT, kwalunkwe sitwazzjoni minn dawn li ġejjin:
|
(a)
|
probabbiltà akbar, li d-depożiti ma jibqgħux disponibbli;
|
|
(b)
|
riskju li istituzzjoni ta' kreditu jew istituzzjoni finanzjarja titqies li qed tfalli jew li x'aktarx tfalli f'konformità mal-Artikolu 32(4) tad-Direttiva 2014/59/UE.
|
Fuq talba tal-awtoritajiet imsemmija fl-ewwel subparagrafu ta’ dan il-paragrafu, fejn ikun hemm probabbiltà akbar li d-depożiti ma jibqgħux disponibbli jew ikun hemm riskju li istituzzjoni ta' kreditu jew istituzzjoni finanzjarja titqies li qed tfalli jew li x'aktarx tfalli f'konformità mal-Artikolu 32(4) tad-Direttiva 2014/59/UE, is-superviżuri finanzjarji għandhom jinfurmaw lil dawk l-awtoritajiet bi kwalunkwe tranżazzjoni, kont jew relazzjoni ta' negozju taħt il-ġestjoni ta' dik l-istituzzjoni ta' kreditu jew istituzzjoni finanzjarja li tkun ġiet sospiża mill-FIU skont l-Artikolu 24.