1. L-Istati Membri għandhom jiżguraw li s-superviżuri responsabbli għall-awdituri u, fejn rilevanti, għall-awtoritajiet pubbliċi li jissorveljaw il-korpi ta' awtoregolamentazzjoni skont il-Kapitolu IV ta' din id-Direttiva, l-FIU tagħhom u l-awtoritajiet pubbliċi kompetenti għas-sorveljanza tal-awdituri statutorji u tad-ditti tal-awditjar skont l-Artikolu 32 tad-Direttiva 2006/43/KE tal-Parlament Ewropew u tal-Kunsill (45) u l-Artikolu 20 tar-Regolament (UE) Nru 537/2014 tal-Parlament Ewropew u tal-Kunsill (46) jikkooperaw mill-qrib ma' xulxin skont il-kompetenzi rispettivi u jipprovdu lil xulxin bl-informazzjoni rilevanti għat-twettiq tal-kompiti rispettivi tagħhom.
L-informazzjoni kunfidenzjali skambjata skont dan l-Artikolu għandha tintuża mill-awtoritajiet imsemmija fl-ewwel subparagrafu unikament għall-eżerċizzju tal-funzjonijiet tagħhom fil-kamp ta' applikazzjoni ta' din id-Direttiva jew tal-atti legali l-oħra tal-Unjoni msemmija fl-ewwel subparagrafu u fil-kuntest ta' proċedimenti ġudizzjarji jew amministrattivi relatati speċifikament mal-eżerċizzju ta' dawk il-funzjonijiet.