Artikolu 3 1

(a)

li fondi jew riżorsi ekonomiċi jitpoġġew direttament jew indirettament għad-dispożizzjoni, jew għall-benefiċċju ta’, persuna, entità jew korp deżinjati bi ksur ta’ projbizzjoni li tikkostitwixxi miżura restrittiva tal-Unjoni;

(b)

in-nuqqas ta’ ffriżar ta’ fondi jew riżorsi ekonomiċi li jappartjenu lil persuna, entità jew korp deżinjati, jew li huma proprjetà tagħhom, miżmuma jew ikkontrollati minnhom bi ksur ta’ obbligu li jikkostitwixxi miżura restrittiva tal-Unjoni;

(c)

li jiġi permess id-dħul jew it-tranżitu ta’ persuni fiżiċi deżinjati fit-territorju ta’ Stat Membru, bi ksur ta’ projbizzjoni li tikkostitwixxi miżura restrittiva tal-Unjoni;

(d)

id-dħul fi tranżazzjonijiet jew it-tkomplija tagħhom ma’ Stat terz, ma’ korpi ta’ Stat terz jew ma’ entitajiet jew korpi li huma proprjetà diretta jew indiretta ta’ Stat terz jew ta’ korpi ta’ Stat terz jew ma’ entitajiet jew korpi li huma kkontrollati direttament jew indirettament minn Stat terz, jew minn korpi ta’ Stat terz, inkluż l-għoti jew it-tkomplija tat-twettiq ta’ kuntratti pubbliċi jew kuntratti ta’ konċessjoni, fejn il-projbizzjoni jew ir-restrizzjoni ta’ dik l-imġiba tikkostitwixxi miżura restrittiva tal-Unjoni;

(e)

in-negozjar, l-importazzjoni, l-esportazzjoni, il-bejgħ, ix-xiri, it-trasferiment, it-tranżitu jew it-trasport ta’ oġġetti, kif ukoll il-forniment ta’ servizzi ta’ senserija, assistenza teknika jew servizzi oħra relatati ma’ dawk l-oġġetti, fejn il-projbizzjoni jew ir-restrizzjoni ta’ dik l-imġiba tikkostitwixxi miżura restrittiva tal-Unjoni;

(f)

il-forniment ta’ servizzi finanzjarji jew it-twettiq ta’ attivitajiet finanzjarji, fejn il-projbizzjoni jew ir-restrizzjoni ta’ dik l-imġiba tikkostitwixxi miżura restrittiva tal-Unjoni;

(g)

il-forniment ta’ servizzi għajr dawk imsemmija fil-punt (f), fejn il-projbizzjoni jew ir-restrizzjoni ta’ dik l-imġiba tikkostitwixxi miżura restrittiva tal-Unjoni;

(h)

iċ-ċirkomvenzjoni ta’ miżura restrittiva tal-Unjoni permezz ta’:

(i)

il-ksur jew in-nuqqas li jiġu ssodisfati l-kundizzjonijiet skont awtorizzazzjonijiet mogħtija mill-awtoritajiet kompetenti biex jitwettqu attivitajiet, li fin-nuqqas ta’ tali awtorizzazzjoni huma ksur ta’ projbizzjoni jew restrizzjoni li tikkostitwixxi miżura restrittiva tal-Unjoni.