Artikolu 5 Penali għal persuni fiżiċi

(a)

ir-reati kriminali koperti mill-Artikolu 3(1), il-punti (h)(iii) u (iv), ikunu punibbli b’terminu ta’ priġunerijamassimu ta’ mill-inqas sena meta dawk ir-reati kriminali jinvolvu fondi jew riżorsi ekonomiċi ta’ valur ta’ mill-inqas EUR 100 000 fid-data li fiha jitwettaq ir-reat;

(b)

ir-reati kriminali msemmija fl-Artikolu 3(1), il-punti (a), (b) u fil-punt (h)(i) u (ii), ikunu punibbli b’terminu ta’ priġunerija massimu ta’ mill-inqas ħames snin meta dawk ir-reati kriminali jinvolvu fondi jew riżorsi ekonomiċi ta’ valur ta’ mill-inqas EUR 100 000 fid-data li fiha jitwettaq ir-reat;

(c)

ir-reat kriminali kopert mill-Artikoli 3, il-punt (c), ikun punibbli b’terminu ta’ priġuinerija massimu ta’ mill-inqas tliet snin.

(d)

ir-reati kriminali koperti mill-Artikolu 3(1), il-punti (d) sa (g), u l-punt (i), ikunu punibbli b’terminu ta’ priġunerija massimu ta’ mill-inqas ħames snin meta dawk ir-reati kriminali jinvolvu oġġetti, servizzi, tranżazzjonijiet jew attivitajiet ta’ valur ta’ mill-inqas EUR 100 000 fid-data li fiha jitwettaq ir-reat;

(e)

meta r-reat kriminali kopert mill-Artikolu 3(1), il-punt (e), jinvolvi oġġetti inklużi fil-Lista Militari Komuni tal-Unjoni Ewropea jew oġġetti b’użu doppju elenkati fl-Annessi I u IV għar-Regolament (UE) 2021/821, tali reat kriminali jkun punibbli b’terminu ta’ priġunerija massimu ta’ mill-inqas ħames snin irrispettivament mill-valur tal-oġġetti involuti.

(a)

multi li jkunu proporzjonati għall-gravità tal-imġiba u għaċ-ċirkostanzi individwali, finanzjarji u oħrajn tal-persuna fiżika kkonċernata;

(b)

l-irtirar ta’ permessi u awtorizzazzjonijiet għall-eżerċitar ta’ attivitajiet li rriżultaw fir-reat kriminali rilevanti;

(c)

skwalifika mill-eżerċitar, fi ħdan persuna ġuridika, ta’ pożizzjoni ta’ tmexxija tal-istess tip użat għat-twettiq tar-reat kriminali;

(d)

projbizzjonijiet temporanji fuq il-kandidatura għal kariga pubblika;

(e)

meta jkun hemm interess pubbliku, wara valutazzjoni għal kull każ speċifiku, il-pubblikazzjoni tat-totalità jew ta’ parti tad-deċiżjoni ġudizzjarja relatata mar-reat kriminali mwettaq u l-pieni jew il-miżuri imposti, li tista’ tinkludi d-data personali tal-persuni kkundannati f’każijiet eċċezzjonali debitament ġustifikati biss.