Mingħajr preġudizzju għall-paragrafu 3 ta’ dan l-Artikolu, l-istandards tar-rapportar dwar is-sostenibbiltà għall-użu volontarju msemmija fil-paragrafu 1 ta’ dan l-Artikolu għandhom ikunu bbażati fuq ir-Rakkomandazzjoni tal-Kummissjoni (UE) 2025/1710 (
26
), fil-verżjoni oriġinali tagħha. Huma għandhom ukoll ikunu proporzjonati u rilevanti għall-kapaċitajiet u l-karatteristiċi tal-impriżi li għalihom huma mfassla u għall-iskala u l-kumplessità tal-attivitajiet tagħhom. L-istandards tar-rapportar dwar is-sostenibbiltà għall-użu volontarju għandhom ukoll, sa fejn ikun possibbli, jispeċifikaw l-istruttura li trid tintuża biex tiġi ppreżentata tali informazzjoni dwar is-sostenibbiltà.